ប្រមុខអង្គការណាតូ ប្រកាសលាលែងពីតំណែង ក្នុងឆ្នាំនេះ

លោក Jens Stoltenberg អគ្គលេខាធិការអង្គការណាតូ នឹងចុះចេញពីមុខតំណែងនៅរដូវស្លឹកឈើជ្រុះឆ្នាំ២០២៣នេះ។ នេះបើតាមការបញ្ជាក់របស់លោក ក្នុងបទសម្ភាសជាមួយទូរទស្សន៍ CNN ដែលចាក់ផ្សាយកាលពីថ្ងៃចន្ទទី២០ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយថា លោកមានជំនឿចិត្តយ៉ាងមុតមាំថា សម្ព័ន្ធភាពមួយនេះ នឹងស្វែងរកអ្នកមានសមត្ថភាព ដើម្បីជំនួសកន្លែងលោកបាន។

យោងតាមលោក Stoltenberg, លោកបានផ្តោតលើការធ្វើឲ្យប្រាកដថា ប្រទេសអ៊ុយក្រែនទទួលបានជំនួយពីអង្គការណាតូ។

ទោះបីជាយ៉ាងណាក៏ដោយ លោកបានបដិសេធបញ្ជាក់ថា តើលោកនឹងបន្តកាន់តំណែងទៀតឬអត់ប្រសិនបើមានការស្នើសុំពីសំណាក់ បណ្តាប្រទេសជាសមាជិករបស់ប្លុកនេះ។

កាលពីថ្ងៃទី១២ខែកុម្ភៈ អ្នកនាំពាក្យអង្គការណាតូ បានប្រាប់ទីភ្នាក់ងារសារព័ត៌មាន DPA ថា លោក Stoltenberg នឹងមិនបន្តអាណត្តិរបស់គាត់ ដែលផុតកំណត់នៅក្នុងខែកញ្ញាឡើយ។ គាត់​បាន​បន្ត​អាណត្តិ​​បី​ដងរួចមក​ហើយ ​ដោយ​កាន់​តំណែង​ជា​អគ្គលេខា​ធិការអស់រយៈពេល​ជិត៩​ឆ្នាំ៕

ប្រែសម្រួល៖ Vann Vann

ប្រភព៖ TASS

ចុចអាន៖ លោក Stoltenberg ដាក់លក្ខខណ្ឌ បើ អ៊ុយក្រែន ចង់ចូល ណាតូ