ព័ត៌មានអន្ដរជាតិ
សេតវិមាន៖ អាមេរិក ចាំបាច់ត្រូវមានទំនាក់ទំនងយោធាជាមួយ ចិន ដើម្បីចៀសវាងការកើនឡើងភាពតានតឹង
ទីប្រឹក្សាសន្តិសុខជាតិអាមេរិក លោក Jake Sullivan បាននិយាយថា សហរដ្ឋអាមេរិកជឿជាក់ថា វាមានសារសំខាន់ណាស់ ក្នុងការរក្សាបណ្តាញទំនាក់ទំនងយោធាជាមួយប្រទេសចិន ដើម្បីធានាស្ថិរភាព។
ក្នុងបទសម្ភាសនៃកម្មវិធី “Meet the Press” របស់ទូរទស្សន៍ NBC News កាលពីថ្ងៃអាទិត្យទី២៦ខែកុម្ភៈ លោក Sullivan បាននិយាយថា “មែនហើយ យើងបាននិយាយម្តងហើយម្តងទៀតថា យើងត្រូវមានបណ្តាញទំនាក់ទំនងយោធា ដើម្បីចៀសវាងការកើនឡើងភាពតានតឹង ចៀសវាងការភ្ញាក់ផ្អើល ចៀសវាងកំហុស ហើយវាជារឿងអកុសលដែលក្រសួងការពារជាតិចិន បានបដិសេធទទួលការហៅទូរស័ព្ទពីរដ្ឋមន្ត្រីការពារជាតិអាមេរិកលោក Lloyd Austin”។
លោកបានបញ្ជាក់ថា ទំនាក់ទំនងកម្រិតខ្ពស់ ត្រូវបានរក្សាជាមួយប្រទេសចិន ហើយរំលឹកថា រដ្ឋមន្ត្រីការបរទេសអាមេរិក លោក Antony Blinken បាននិយាយជាមួយនាយកការិយាល័យកិច្ចការបរទេសកណ្តាលរបស់ចិន លោក Wang Yi នៅក្នុងសន្និសីទសន្តិសុខទីក្រុង Munich កាលពីចុងសប្តាហ៍មុន។
លោក Sullivan បន្តថា “ដូច្នេះ វាមិនមែនថា ខ្សែទំនាក់ទំនងត្រូវបានកាត់ផ្តាច់ទាំងអស់នោះទេ ។ យ៉ាងណា យើងមិនមានការដោះដូររវាងយោធានិងយោធា ដែលយើងគិតថា ចាំបាច់ដើម្បីធានាស្ថិរភាពនោះទេ”។
កាលពីដើមខែកុម្ភៈ អ្នកនាំពាក្យមន្ទីរបញ្ចកោណលោក Pat Ryder បាននិយាយថា ទីក្រុងប៉េកាំង បានបដិសេធសំណើរបស់សហរដ្ឋអាមេរិក ដើម្បីធ្វើការហៅទូរស័ព្ទរវាងលោក Austin និងសមភាគីចិនលោក Wei Fenghe បន្ទាប់ពីយោធាអាមេរិក បាញ់ទម្លាក់បាឡុងចិននៅក្នុងដែនអាកាសអាមេរិក៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អាមេរិក ព្រមានហើយព្រមានទៀត កុំឲ្យចិន ផ្តល់សព្វាវុធសាហាវ ទៅ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង