ព័ត៌មានអន្ដរជាតិ
រុស្ស៊ី ប្រាប់វិធីងាយៗដើម្បីបញ្ចប់សង្គ្រាមនៅ អ៊ុយក្រែន
អនុប្រធានក្រុមប្រឹក្សាសន្តិសុខរុស្ស៊ីលោក Dmitry Medvedev បាននិយាយកាលពីពេលថ្មីៗនេះថា សង្គ្រាមនៅអ៊ុយក្រែននឹងបញ្ចប់យ៉ាងងាយស្រួល ប្រសិនបើសហរដ្ឋអាមេរិកឈប់ផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ។
លោក Medvedev បានឲ្យដឹងថា “រហូតមកដល់ពេលនេះ អាមេរិកបាននិងកំពុងផ្គត់ផ្គង់អាវុធក្នុងបរិមាណដ៏ធំដល់អ៊ុយក្រែន ដើម្បីធ្វើការកម្ចាត់ ទប់ស្កាត់ និងបំផ្លាញរុស្ស៊ី ដោយបណ្ដាលឲ្យប៉ះពាល់ដល់សន្តិសុខពិភពលោក ជាពិសេសគឺទំនាក់ទំនងរវាងប្រទេសទាំងពីរតែម្ដង” ។
លោក Medvedev បានសរសេរលើបណ្ដាញ Telegram ថា “ប្រសិនបើរុស្ស៊ីបញ្ឈប់ប្រតិបត្តិការសឹករបស់ខ្លួន ដោយមិនទទួលបានជ័យជម្នះ នោះនឹងមិនមានរុស្ស៊ីទៀតនោះទេ វានឹងបែកខ្ញែក ប៉ុន្តែប្រសិនបើសហរដ្ឋអាមេរិកឈប់ផ្គត់ផ្គង់សព្វាវុធដល់ទីក្រុងកៀវ សង្រ្គាមក៏នឹងបញ្ចប់ដែរ” ។
លោក Medvedev បានសង្កត់ធ្ងន់ថា “ប្រសិនបើអាមេរិកចង់កម្ចាត់រុស្ស៊ី នោះនឹងឈានទៅដល់ជម្លោះជាសកល ហើយបើសហរដ្ឋអាមេរិកចង់កម្ចាត់រុស្ស៊ី នោះយើងមានសិទ្ធិការពារខ្លួនដោយអាវុធណាមួយ រួមទាំងអាវុធនុយក្លេអ៊ែរផងដែរ” ។
គួរបញ្ជាក់ថា រដ្ឋបាលលោក Biden បានផ្គត់ផ្គង់ជំនួយយោធាជិត ៣០ ពាន់លានដុល្លារដល់អ៊ុយក្រែន ចាប់តាំងពីវិមានក្រឹមឡាំងបានចាប់ផ្តើមសង្រ្គាមលើទីក្រុងកៀវនៅថ្ងៃទី ២៤ ខែកុម្ភៈ ឆ្នាំ ២០២២ ។ ជំនួយនេះគឺមានគោលបំណងជួយអ៊ុយក្រែនការពារព្រំដែនរបស់ខ្លួនពីការវាយលុកដែលកំពុងបន្តដោយរុស្ស៊ី ដែលបានជម្លៀសប្រជាជនអ៊ុយក្រែនរាប់លាននាក់ចេញពីប្រទេស និងថែមទាំងបានសម្លាប់មនុស្សរាប់ម៉ឺននាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ទីបំផុត រថក្រោះខ្លារខិន Leopard 2 ទៅដល់ដៃ អ៊ុយក្រែន ហើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ