វៀតណាម បញ្ជាឲ្យប្រមូលថ្នាំឈឺសន្លាក់មួយប្រភេទ ពីទីផ្សារវិញ ក្រោយរកឃើញ គ្មានគុណភាព

រដ្ឋបាលឱសថនៃប្រទេសវៀតណាម កាលពីថ្ងៃសុក្រទី១០ខែមីនា បានបញ្ជាឲ្យប្រមូលមកវិញនូវឱសថឥណ្ឌា ដែលប្រើសម្រាប់ព្យាបាលការឈឺសន្លាក់ ដោយសារតែថ្នាំទាំងនោះគ្មានគុណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលនិយាយថា ថ្នាំ Locobile-200 ដែលផលិតនៅថ្ងៃទី០៤ខែកុម្ភៈ ឆ្នាំ២០២១ ដោយក្រុមហ៊ុន M/S Windlas Biotech Limited ត្រូវបានវិទ្យាស្ថានសម្រាប់ការត្រួតពិនិត្យគុណភាពឱសថទីក្រុងហូជីមិញ ធ្វើតេស្តរកឃើញថា ខ្វះស្តង់ដារគុណភាព។

រដ្ឋបាលបានណែនាំឲ្យក្រុមហ៊ុន A My ដែលជាក្រុមហ៊ុននាំចូល ផ្គត់ផ្គង់ និងចែកចាយ ត្រូវប្រមូលឱសថនេះ ពីទីផ្សារវិញ។

គួរបញ្ជាក់ថា កាល​ពី​ខែ​មិថុនា រដ្ឋបាល​បាន​បញ្ជា​ឲ្យ​ប្រមូលមក​វិញនូវ​ថ្នាំ​ចំនួន៥មុខ ដែល​ប្រើ​សម្រាប់​ព្យាបាល​បញ្ហា​ក្រពះ ពោះវៀន ថ្លើម និង​ច្រមុះ បន្ទាប់​ពី​រក​ឃើញ​ថា ​ក្លែងក្លាយ៕

ប្រែសម្រួល៖ Vann Vann

ប្រភព៖ VN Express

ចុចអាន៖ ក្រសួងសុខាភិបាល ហាមឃាត់ការលក់ ចែកចាយ ឱសថ Digest Gold គ្មានលេខបញ្ជីកា