ព័ត៌មានអន្ដរជាតិ
លោក គីម ជុងអ៊ុន បញ្ជាឱ្យធ្វើសមយុទ្ធកាន់តែខ្លាំង ដើម្បីទប់ទល់សង្រ្គាមពិតប្រាកដ
ប្រព័ន្ធផ្សព្វផ្សាយរដ្ឋកូរ៉េខាងត្បូង បាននិយាយកាលពីថ្ងៃសុក្រ ទី១០ ខែមីនា ថា មេដឹកនាំកូរ៉េខាងជើង លោក គីម ជុងអ៊ុន បានបញ្ជាឱ្យយោធាបង្កើនសមយុទ្ធ ដើម្បីទប់ស្កាត់ និងឆ្លើយតបទៅនឹងសង្រ្គាមពិតប្រាកដ ដែលអាចនឹងកើតឡើងក្នុងពេលឆាប់ៗខាងមុខ។

យោធាកូរ៉េខាងត្បូងបានរាយការណ៍ថា កូរ៉េខាងជើងបានបាញ់មីស៊ីលផ្លោងរយៈចម្ងាយខ្លីចេញពីឆ្នេរសមុទ្រភាគខាងលិចរបស់ខ្លួន កាលពីថ្ងៃព្រហស្បតិ៍ ហើយតាមរយៈរូបថតដែលចេញផ្សាយដោយទីភ្នាក់ងារសារព័ត៌មាន KCNA របស់កូរ៉េខាងជើង បានបង្ហាញថា យ៉ាងហោចណាស់មានមីស៊ីលចំនួន ៦គ្រាប់ ត្រូវបានបាញ់ក្នុងពេលតែមួយ។
ក្នុងពេលសមយុទ្ធ លោក គីម ជុងអ៊ុន បានសង្កត់ធ្ងន់ថា យោធារបស់ខ្លួនកំពុងអនុវត្តបេសកកម្មយុទ្ធសាស្ត្រតឹងរ៉ឹងបំផុត ដើម្បីត្រៀមខ្លួនក្នុងរឿងពីរយ៉ាង ទី១គឺ រារាំងសង្គ្រាម និងទី២ ផ្តើមគំនិតក្នុងសង្គ្រាម។

ដោយឡែក កាលពីថ្ងៃទី៨ ខែមីនាកន្លងទៅ ប្រទេសកូរ៉េខាងជើង បានព្រមានអំពីការគំរាមកំហែង “ពិតប្រាកដ” នៃជម្លោះនុយក្លេអ៊ែរ បន្ទាប់ពីសមយុទ្ធយោធាចុងក្រោយបំផុតរបស់អាមេរិក និងកូរ៉េខាងត្បូង និងបានចេញសេចក្តីថ្លែងការណ៍មួយថ្កោលទោសសមយុទ្ធដែនអាកាសរួមគ្នា រវាងទីក្រុងវ៉ាស៊ីនតោន និងទីក្រុងសេអ៊ូល។ ក្នុងពេលជាមួយគ្នានោះ ក្រសួងការបរទេសកូរ៉េខាងជើងនិយាយថា សមយុទ្ធអាមេរិក និងកូរ៉េខាងត្បូង កំពុងបង្កើនហានិភ័យនៃជម្លោះនៅលើឧបទ្វីបកូរ៉េ៕
ប្រែសម្រួល៖ សន្យា
ប្រភព៖ Reuters
ចុចអាន៖ កូរ៉េខាងជើងព្រមាន! សង្គ្រាមនុយក្លេអ៊ែរមែនទែន ជិតផ្ទុះឡើងហើយ (មានវីដេអូ)
ចុចអាន៖ អ៊ុយក្រែនទទូចអាល្លឺម៉ង់បញ្ជូនគ្រាប់រំសេវឱ្យខ្លួន និងហ្វឹកហាត់អ្នកបើកយន្តហោះ
-
ជីវិតកម្សាន្ដ១ សប្តាហ៍ មុន
ភាពយន្តរបស់ Jennie ត្រូវគេហៅថាជា “រឿងអាសអាភាស”
-
ព័ត៌មានអន្ដរជាតិ៧ ថ្ងៃ មុន
លោក ប្រាយុទ្ធ ត្រូវបញ្ជូនចូលមន្ទីរពេទ្យ ខណៈវេជ្ជបណ្ឌិតកំពុងតាមដានអាការរោគ
-
ជីវិតកម្សាន្ដ៧ ថ្ងៃ មុន
បុគ្គលមួយក្រុមទម្លាយចរិតពិតរបស់ Bella នៅពីក្រោយឆាកសម្ដែង
-
សុខភាព១ សប្តាហ៍ មុន
ថៃ ព្រមានថា នំឆាខ្វៃជាមួយតែទឹកដោះគោពេលព្រឹក ជាអាហារគ្រោះថ្នាក់ខ្លាំង
-
ជីវិតកម្សាន្ដ១ សប្តាហ៍ មុន
អ្នកលេងអ៊ីនធឺរណិតទាមទារឱ្យក្រុមតារាស្រីស្អាត ចេញមុខសុំទោស Bella
-
សន្តិសុខសង្គម៧ ថ្ងៃ មុន
សម្លាប់កូនអាយុ ៤ ឆ្នាំ រួចចង.ក សម្លាប់ខ្លួនឯងតាមក្រោយ
-
ព័ត៌មានជាតិ៤ ថ្ងៃ មុន
សម្តេចតេជោ៖ ការបង្ហាញវប្បធម៌ខុសក្បួនខ្នាត ស្មើបំផ្លាញវប្បធម៌ទៅវិញ
-
ព័ត៌មានជាតិ៦ ថ្ងៃ មុន
៤ ខែ មានគ្រោះថ្នាក់ចរាចរណ៍ ៦២ ករណី កើតឡើងលើផ្លូវល្បឿនលឿនទៅខេត្តព្រះសីហនុ