ព័ត៌មានអន្ដរជាតិ
រុស្ស៊ី ចង់ដាក់ឈ្មោះថ្មីឲ្យប្រទេស អ៊ុយក្រែន
អតីតប្រធានាធិបតីរុស្ស៊ី លោក Dmitry Medvedev បានស្នើឲ្យប្តូរឈ្មោះប្រទេសអ៊ុយក្រែន ដោយដាក់ឈ្មោះតាមសហការីណាស៊ីដ៏ល្បីល្បាញ Stepan Bandera វិញ។
ការផ្តល់យោបល់របស់គាត់ កើតឡើងបន្ទាប់ពីប្រធានាធិបតីអ៊ុយក្រែនលោក Vladimir Zelensky បានប្រាប់រដ្ឋាភិបាលរបស់គាត់ឲ្យពិចារណាលើសំណើផ្លាស់ប្តូរឈ្មោះរបស់ប្រទេសរុស្ស៊ី ដែរ។
កាលពីថ្ងៃសៅរ៍ទី១១ខែមីនា លោក Zelensky បានណែនាំអាជ្ញាធរត្រូវសិក្សាឲ្យបានហ្មត់ចត់ នូវសំណើដើម្បីប្តូរឈ្មោះជាផ្លូវការពីប្រទេសរុស្ស៊ីទៅជា “Moscovia”។ លោក Zelensky បានប្រតិកម្មទៅនឹងញត្តិតាមអនឡាញមួយ ដែលអះអាងថាឈ្មោះ “រុស្ស៊ី” បានផ្តល់ហេតុផលសម្រាប់ការលុកលុយបន្ថែមទៀត បើតាមប្រវត្តិសាស្រ្ត Kievan Rus ដែលជារដ្ឋមជ្ឈិមសម័យ នៃប្រភពដើមរបស់រុស្ស៊ីនិងអ៊ុយក្រែន។
កាលពីថ្ងៃអាទិត្យ លោក Medvedev ដែលបម្រើការជាប្រធានាធិបតីរុស្ស៊ី ចន្លោះឆ្នាំ ២០០៨ ដល់ឆ្នាំ ២០១២ និងបច្ចុប្បន្នជាអនុប្រធានក្រុមប្រឹក្សាសន្តិសុខ បានបង្ហោះសារនៅក្នុងឆានែល Telegram របស់គាត់ដើម្បីជាការឆ្លើយតប។
ហេតុអ្វីបានជាលោក Medvedev ចង់ប្តូរឈ្មោះអ៊ុយក្រែនទៅជា Stepan Bandera? ជាក់ស្តែង លោក Medvedev បានសំដៅទៅលើអ្នកគាំទ្រនយោបាយអ៊ុយក្រែនមួយចំនួនរបស់លោក Stepan Bandera ដែលជាមេដឹកនាំសម័យសង្គ្រាមលោកលើកទី២ នៃអង្គការជាតិនិយមអ៊ុយក្រែន (OUN)។
លោក Bandera បានសហការជាមួយរដ្ឋាភិបាលរបស់ Adolf Hitler ក្នុងដំណាក់កាលដំបូងនៃការលុកលុយរបស់ ណាស៊ី លើសហភាពសូវៀត។ ក្រោយមកគាត់ត្រូវបានជនជាតិអាល្លឺម៉ង់ចាប់ដាក់គុកជុំវិញការខ្វែងគំនិតគ្នាអំពីអនាគតអ៊ុយក្រែន។
បន្ទាប់ពីសង្រ្គាម Bandera បានភៀសខ្លួនទៅកាន់ប្រទេសអាល្លឺម៉ង់ខាងលិច ដែលក្នុងឆ្នាំ១៩៥៩គាត់ត្រូវបានធ្វើឃាត ដោយភ្នាក់ងារ KGB៕
ប្រែសម្រួល៖ Vann Vann
ប្រភព៖ RT
ចុចអាន៖ វិបត្តិ អ៊ុយក្រែន អាច ក្លាយ ជា សង្រ្គាម រយ ឆ្នាំ បើលោកខាងលិច មិនឈប់ផ្តល់អាវុធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ