ព័ត៌មានអន្ដរជាតិ
ធនាគារធំរបស់ស្វីស កំពុងពិភាក្សាទិញ ក្រុមហ៊ុនវិនិយោគ Credit Suisse
កាសែត Financial Times បានរាយការណ៍ថា ក្រុមហ៊ុនហិរញ្ញវត្ថុដ៏ធំបំផុតរបស់ប្រទេសស្វីស គឺUBS កំពុងពិភាក្សាគ្នាដើម្បីទិញក្រុមហ៊ុនវិនិយោគពិភពលោក Credit Suisse ដែលជាដៃគូរប្រជែងដ៏ធំរបស់ខ្លួន។
បើតាមរបាយការណ៍ ក្រុមហ៊ុនទាំងពីរនឹងបើកកិច្ចប្រជុំក្រុមប្រឹក្សាភិបាលដាច់ដោយឡែកនៅចុងសប្តាហ៍ដើម្បីពិភាក្សាអំពីកិច្ចព្រមព្រៀងនេះ។
ចំពោះបញ្ហានេះ ធនាគារកណ្តាលរបស់ប្រទេសស្វីសក៏ដូចជាធនាគារជាតិស្វីស ត្រូវបានគេដឹងថា បានគាំទ្រការចរចាដើម្បីធ្វើឱ្យប្រព័ន្ធហិរញ្ញវត្ថុមានស្ថេរភាព។ ធនាគារកណ្តាលក៏កំពុងអំពាវនាវឱ្យអ្នកផ្តល់ប្រាក់កម្ចីទាំងពីរផ្តល់ដំណោះស្រាយច្បាស់លាស់មួយ មុនពេលទីផ្សារបើកនៅថ្ងៃចន្ទផងដែរ។
ស្របជាមួយគ្នានេះ ក្រុមហ៊ុន Credit Suisse បានប្រកាសថា នឹងខ្ចីប្រាក់ ៥៤ពាន់លានដុល្លារពីធនាគារ ជាតិស្វីស ដើម្បីពង្រឹងសាច់ប្រាក់ងាយស្រួល ប៉ុន្តែក្រុមហ៊ុនកំពុងព្យាយាមក្នុងការកសាងអាជីវកម្មរបស់ខ្លួនឡើងវិញដោយសារការធ្លាក់ចុះនៃតម្លៃភាគហ៊ុននិងលំហូរចេញនៃមូលនិធិ។
គួរបញ្ជាក់ថា UBS ដែលមានមូលដ្ឋាននៅទីក្រុង Zurich គឺជាគ្រឹះស្ថានហិរញ្ញវត្ថុឈានមុខគេដែល មានការិយាល័យក្នុងប្រទេសជាង៥០។ UBS និង Credit Suisse ត្រូវបានចាត់ទុកថាជាគូប្រជែងនៅក្នុងធនាគារវិនិយោគ និងការគ្រប់គ្រងទ្រព្យសកម្ម៕
ប្រែសម្រួល៖ នាង រតនៈ
ប្រភព៖ NHK
ចុចអាន៖ ធនាគារពិភពលោក ឲ្យ វៀតណាម បង្កើនការគ្រប់គ្រងទីផ្សារហិរញ្ញវត្ថុ ប្រយ័ត្នដូចនៅ អាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង