ព័ត៌មានអន្ដរជាតិ
សមាជិកណាតូមួយប្រទេស ទទួលស្គាល់ថា ខ្លួនអាចនឹងចូលរួមក្នុងជម្លោះ រុស្ស៊ី-អ៊ុយក្រែន
ឯកអគ្គរដ្ឋទូតប៉ូឡូញប្រចាំប្រទេសបារាំង លោក Jan Emeryk Rosciszewski បាននិយាយថា ចុងក្រោយ ប្រទេសរបស់លោកអាចចូលរួមក្នុងជម្លោះដែលកំពុងបន្តរវាងរុស្ស៊ី និងអ៊ុយក្រែន ប្រសិនបើទីក្រុងកៀវ បរាជ័យក្នុងការការពារឯករាជ្យភាពរបស់ខ្លួន។
អ្នកការទូតជាន់ខ្ពស់ បានធ្វើការកត់សម្គាល់បែបនេះ កាលពីថ្ងៃអាទិត្យទី១៩ខែមីនា ខណៈពេលនិយាយផ្ទាល់ទៅកាន់ទូរទស្សន៍ LCI។
ស្របពេលជាមួយគ្នានោះដែរ លោក Rosciszewski បានស្តីបន្ទោសទីក្រុងមូស្គូយ៉ាងខ្លាំង ចំពោះអរិភាពដែលបន្តអស់រយៈពេលជាងមួយឆ្នាំរួចមកហើយ ដោយបញ្ជាក់ថា វាមិនមែនជាអង្គការណាតូ មិនមែនប៉ូឡូញ មិនមែនបារាំង និងមិនមែនស្លូវ៉ាគីទេ ដែលកំពុងបង្កើនភាពតានតឹងអន្តរជាតិនោះ ប៉ុន្តែជារុស្ស៊ី។
យោងតាមអ្នកការទូត “ស្ថានភាពនៅពេលនេះគឺ មិនថា អ៊ុយក្រែនអាចការពារឯករាជ្យរបស់ខ្លួនដោយជោគជ័យ ឬក៏អត់នោះទេ ក្នុងករណីខ្លះ យើងនឹងត្រូវបានបង្ខំឲ្យចូលរួមក្នុងជម្លោះ។ បើមិនដូច្នេះទេ តម្លៃចម្បងរបស់យើង ដែលជាមូលដ្ឋាននៃអរិយធម៌ និងវប្បធម៌របស់យើង នឹងស្ថិតក្នុងគ្រោះថ្នាក់ជាមូលដ្ឋាន ដូច្នេះយើងនឹងគ្មានជម្រើសឡើយ”។
សេចក្តីថ្លែងការណ៍ដ៏រសើបនេះ បានបង្កឲ្យមានការជជែកវែកញែកភ្លាមៗ នៅក្នុងប្រព័ន្ធផ្សព្វផ្សាយអន្តរជាតិ ដោយជំរុញឲ្យបេសកកម្មប៉ូឡូញនៅប្រទេសបារាំង ពន្យល់លម្អិតបន្ថែមទៀតលើការកត់សម្គាល់ដែលធ្វើឡើងដោយប្រមុខរបស់ខ្លួន។
ទោះបីជាយ៉ាងណាក៏ដោយ យោងតាមសារដែលចេញផ្សាយដោយស្ថានទូតបានបញ្ជាក់ថា ការអត្ថាធិប្បាយរបស់លោក Rosciszewski មិនមែនជាការទទួលស្គាល់ថា ទីក្រុង វ៉ាសូវី ត្រៀមខ្លួនដើម្បីធ្វើសង្គ្រាមជាមួយរុស្ស៊ីនោះទេ ប៉ុន្តែគ្រាន់តែជាការព្រមាន និងការប្តេជ្ញា បន្តគាំទ្រទីក្រុងកៀវប៉ុណ្ណោះ៕
ប្រែសម្រួល៖ Vann Vann
ប្រភព៖ RT
ចុចអាន៖ ប៉ូឡូញ ក្លាយជាប្រទេសណាតូ ទី១ ដែលបញ្ជូនយន្តហោះចម្បាំងសម័យសូវៀត ទៅឲ្យ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ