អាកាសធាតុកាន់តែក្តៅ ត្រូវបានព្យាករនៅទូទាំងប្រទេសវៀតណាមក្នុងសប្តាហ៍នេះ ដោយទីក្រុងហាណូយ នឹងជួបសីតុណ្ហភាពឡើងដល់ ៣៤អង្សាសេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មជ្ឈមណ្ឌលជលសាស្ត្រនិងឧតុនិយមជាតិ បានឲ្យដឹង ចាប់ពីថ្ងៃចន្ទនេះទៅ សីតុណ្ហភាពនៅតំបន់ភាគខាងជើងនឹងកើនឡើង ១ទៅ២ អង្សាជារៀងរាល់ថ្ងៃ។

នៅថ្ងៃពុធ និងថ្ងៃព្រហស្បតិ៍ សីតុណ្ហភាពខ្ពស់បំផុតក្នុងទីក្រុងហាណូយនឹងឈានដល់៣៤អង្សាសេ ហើយនៅខេត្តភាគពាយ័ព្យ Lai Chau, Dien Bien, Son La, Hoa Binh, Lao Cai និង Yen Bai ឡើងដល់៣៥អង្សាសេ។

កាលពីប៉ុន្មានថ្ងៃមុន សីតុណ្ហភាពនៅទីក្រុងហាណូយ គឺប្រហែល២០ទៅ២៧អង្សាសេ ដោយមានអ័ព្ទនៅពេលព្រឹកនិងពេលយប់។

គេហទំព័រ AccuWeather របស់អាមេរិកបានឲ្យដឹងថា បន្ទាប់ពីឡើងដល់កំពូលនៅថ្ងៃពុធ និងថ្ងៃព្រហស្បតិ៍, សីតុណ្ហភាពក្នុងទីក្រុងហាណូយ នឹងធ្លាក់ចុះជាបណ្តើរៗមកត្រឹម ១៩ ទៅ២២អង្សាសេ នៅថ្ងៃអាទិត្យ។

តំបន់កណ្តាល ក៏នឹងជួបប្រទះអាកាសធាតុក្តៅខ្លាំងផងដែរក្នុងសប្តាហ៍នេះ ដោយសីតុណ្ហភាព ត្រូវបានព្យាករថា នឹងឡើងដល់កំពូល ៣៧អង្សាសេ។

យោងតាមមជ្ឈមណ្ឌល, សីតុណ្ហភាពជាមធ្យមនៅភាគខាងជើង និងកណ្តាលប្រទេសវៀតណាម ចន្លោះពីចុងខែមីនា ដល់ដើមខែមេសា នឹងមានកម្រិតខ្ពស់ជាងឆ្នាំមុន ០.៥ ទៅ ១.៥អង្សាសេ ខណៈតំបន់ផ្សេងទៀតនឹងមានការប្រែប្រួលតិចតួច៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម ព្រួយបារម្ភ ក្រោយរកឃើញមនុស្សឆ្លងមេរោគ ពីសត្វជ្រូក