ព័ត៌មានអន្ដរជាតិ
IMF ចេញការព្រមាន អំពីស្ថិរភាពសេដ្ឋកិច្ចពិភពលោក (មានវីដេអូ)
សេដ្ឋកិច្ចពិភពលោកត្រូវប្រឈមមុខនឹងឆ្នាំដ៏លំបាកមួយ ដោយសារផលប៉ះពាល់ពីវិបត្តិធនាគារនាពេលថ្មីៗនេះ ហើយការបង្កើតប្លុកសេដ្ឋកិច្ចគូប្រជែង ដែលបង្កឡើងដោយជម្លោះអ៊ុយក្រែន បានគំរាមកំហែងដល់ការបំផ្លាញស្ថិរភាពសេដ្ឋកិច្ចពិភពលោក។ នេះបើតាមការព្រមានរបស់ប្រធានមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva នៅវេទិកាអភិវឌ្ឍន៍ប្រទេសចិន ក្នុងទីក្រុងប៉េកាំងកាលពីចុងសប្តាហ៍។
យោងតាមលោកស្រី Georgieva, ឆ្នាំ២០២៣នេះ នឹងមានបញ្ហាប្រឈម ហើយទំនងជានឹងធ្វើឲ្យកំណើនសេដ្ឋកិច្ចពិភពលោកធ្លាក់ចុះដល់ក្រោម ៣% ដោយសារផលប៉ះពាល់ពីជំងឺរាតត្បាត សង្គ្រាមនៅអ៊ុយក្រែន និងការរឹតបន្តឹងរូបិយវត្ថុលើសកម្មភាពសេដ្ឋកិច្ច។
លោកស្រីលើកឡើងថា “ភាពមិនប្រាកដប្រជា រួមទាំងដោយសារហានិភ័យនៃការបែងចែកភូមិសាស្ត្រសេដ្ឋកិច្ចផងដែរនោះ គឺជាការបែងចែកដ៏គ្រោះថ្នាក់ដែលនឹងធ្វើឲ្យមនុស្សគ្រប់គ្នាកាន់តែក្រីក្រ និងមិនសូវមានសុវត្ថិភាព។ ជាមួយគ្នានេះ កត្តាទាំងប៉ុន្មានខាងលើមានន័យថា ទស្សនវិស័យសម្រាប់សេដ្ឋកិច្ចពិភពលោកក្នុងរយៈពេលមធ្យម ទំនងជានៅតែខ្សោយ”។
លោកស្រី Georgieva ក៏បានកត់សម្គាល់ផងដែរថា បញ្ហានាពេលថ្មីៗនេះនៅក្នុងវិស័យធនាគារ រាប់ចាប់តាំងពីការដួលរលំនៃអ្នកផ្តល់ប្រាក់កម្ចីជាច្រើននៅសហរដ្ឋអាមេរិក រហូតដល់ការក្ស័យធននៃធនាគារធំទីពីររបស់ប្រទេសស្វីសគឺ Credit Suisse បានលាតត្រដាងឲ្យឃើញពីភាពងាយរងគ្រោះនៅក្នុងប្រព័ន្ធហិរញ្ញវត្ថុពិភពលោក ដែលតម្រូវឲ្យដោះស្រាយជាចាំបាច់។
ទោះបីជាយ៉ាងណាក៏ដោយ លោកស្រី Georgieva បានសរសើរដល់កិច្ចខិតខំប្រឹងប្រែងនាពេលថ្មីៗនេះ របស់អ្នកបង្កើតគោលនយោបាយដើម្បីគាំទ្រដល់ប្រព័ន្ធធនាគារពិភពលោកដោយការលើកកម្ពស់ការផ្តល់សាច់ប្រាក់ងាយស្រួលជាប្រាក់ដុល្លារអាមេរិក។ លោកស្រីកត់សម្គាល់ថា ពួកគេបានធ្វើសកម្មភាពយ៉ាងម៉ឺងម៉ាត់ ក្នុងការឆ្លើយតបទៅនឹងហានិភ័យស្ថិរភាពហិរញ្ញវត្ថុ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ IMF ព្រមានថា មួយភាគបី នៃពិភពលោក នឹងជួបវិបត្តិសេដ្ឋកិច្ចក្នុងឆ្នាំនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ