Connect with us

សេដ្ឋកិច្ច

IMF ព្រមានថា មួយភាគបី នៃពិភពលោក នឹងជួបវិបត្តិសេដ្ឋកិច្ចក្នុងឆ្នាំនេះ

បានផុស

នៅ

ប្រធានមូលនិធិរូបិយវត្ថុអន្តរជាតិ (IMF) បានព្រមានថា មួយភាគបីនៃសេដ្ឋកិច្ចពិភពលោក នឹងស្ថិតក្នុងវិបត្តិនៅឆ្នាំ២០២៣នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Kristalina Georgieva បាននិយាយថា ឆ្នាំ២០២៣ នឹងមានភាពតានតឹងជាងឆ្នាំមុន ដោយសារតែភាពយឺតយ៉ាវនៃសេដ្ឋកិច្ចរបស់សហរដ្ឋអាមេរិក សហភាពអឺរ៉ុប និងចិន។

ការព្រមាននេះកើតឡើងចំពេលដែលសង្រ្គាមនៅអ៊ុយក្រែន ការកើនឡើងតម្លៃទំនិញ អត្រាការប្រាក់កាន់តែខ្ពស់ និងការរីករាលដាលនៃជំងឺកូវីដក្នុងប្រទេសចិន ធ្វើឲ្យប៉ះពាល់ដល់សេដ្ឋកិច្ចពិភពលោក។

លោកស្រី Kristalina Georgieva

កាលពីខែតុលាឆ្នាំ២០២២ IMF បានកាត់បន្ថយទស្សនវិស័យកំណើនសេដ្ឋកិច្ចសកលរបស់ខ្លួនសម្រាប់ឆ្នាំ ២០២៣ ដោយសារតែសង្គ្រាមនៅអ៊ុយក្រែន ក៏ដូចជាអត្រាការប្រាក់កាន់តែខ្ពស់ផងដែរ។

លោកស្រី Georgieva បាននិយាយនៅក្នុងកម្មវិធីព័ត៌មាន Face the Nation របស់ទូរទស្សន៍ CBS ថា “យើងរំពឹងថា មួយភាគបីនៃសេដ្ឋកិច្ចពិភពលោកនឹងស្ថិតក្នុងវិបត្តិ។ សូម្បីតែប្រទេសដែលមិនស្ថិតក្នុងវិបត្តិសេដ្ឋកិច្ចក៏ដោយ ក៏ពួកគេនឹងមានអារម្មណ៍ថាជួបវិបត្តិសេដ្ឋកិច្ចដូចមនុស្សរាប់រយលាននាក់ទៀតដែរ”។

ស្របពេលជាមួយគ្នានោះ លោកស្រី Georgieva បានព្រមានថា ប្រទេសចិន ដែលជាមហាអំណាចសេដ្ឋកិច្ចលំដាប់ទីពីររបស់ពិភពលោក នឹងប្រឈមមុខនឹងការចាប់ផ្តើមដ៏លំបាកសម្រាប់ឆ្នាំ២០២៣នេះ។

IMF គឺជាអង្គការអន្តរជាតិមួយដែលមានសមាជិកចំនួន១៩០ប្រទេស។ ពួកគេធ្វើការរួមគ្នាដើម្បីព្យាយាមរក្សាស្ថិរភាពសេដ្ឋកិច្ចពិភពលោក។ តួនាទីសំខាន់មួយរបស់អង្គការនេះ គឺត្រូវដើរតួជាប្រព័ន្ធព្រមានសេដ្ឋកិច្ចដំបូង។

ការអត្ថាធិប្បាយរបស់លោកស្រី Georgieva នឹងធ្វើឲ្យមនុស្សជុំវិញពិភពលោក ព្រួយបារម្ភមិនតិចទេ ជាពិសេសនៅក្នុងតំបន់អាស៊ីដែលបានស៊ូទ្រាំនឹងឆ្នាំ២០២២ដ៏លំបាករួចទៅហើយ។

អតិផរណាបាននិងកំពុងកើនឡើងឥតឈប់ឈរនៅទូទាំងតំបន់ ភាគច្រើនដោយសារតែសង្គ្រាមនៅអ៊ុយក្រែន ខណៈអត្រាការប្រាក់ខ្ពស់ក៏បានប៉ះពាល់ដល់គ្រួសារ និងអាជីវកម្មផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ មូលនិធិរូបិយវត្ថុអន្តរជាតិ IMF ឲ្យ ប្រទេស មាន បំផុតលើលោក ជួយអ្នក ក្រីក្រ ផង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម