អ៊ីរ៉ង់បង្អួតមីស៊ីលផ្លោងជំនាន់ថ្មី និងយន្តហោះដ្រូនទម្លាក់គ្រាប់បែកក្នុងសមយុទ្ធទ្រង់ទ្រាយធំប្រចាំឆ្នាំ (មានវីដេអូ)

អង្គភាពឆ្មាំបដិវត្តឥស្លាមរបស់អ៊ីរ៉ង់ (IRGC) កាលពីថ្ងៃសុក្របានចាប់ផ្តើមដំណាក់ដំបូងនៃការធ្វើសមយុទ្ធយោធាទ្រង់ទ្រាយធំប្រចាំឆ្នាំពាក់ព័ន្ធនឹងមីស៊ីលផ្លោងជំនាន់ថ្មី និងយន្តហោះដ្រូនទម្លាក់គ្រាប់បែក ។

សមយុទ្ធនេះមានឈ្មោះថា “Great Prophet 15” ជាការធ្វើសមយុទ្ធនៅវាលខ្សាច់កណ្តាល ហើយមានវត្តមាននៃមេបញ្ជាការយោធាកំពូលរួមមានលោកឧត្តមសេនីយ៍ Hossein Salami ប្រធាន IRGC និងប្រមុខអវកាស IRGC លោកឧត្តមសេនីយ៍ Amirali Hajizadeh ។

ប្រភពផ្លូវការបាននិយាយថា មីស៊ីលផ្លោងបាឡីស្ទីក និងយន្តហោះដ្រូនជាច្រើនត្រូវបានប្រើដើម្បីវាយប្រហារ “មូលដ្ឋានសត្រូវ” ក្នុងដំណាក់កាលដំបូងនៃសមយុទ្ធនេះ ។

ក្រុមមន្រ្តីអះអាងថា មីស៊ីល Zolfaqar មីស៊ីល Zelzel និងមីស៊ីល Dezful ជាមីស៊ីលមានរយៈចម្ងាយ ២០០ ទៅ ១,០០០ គីឡូម៉ែត្រដែលអាចបំបែកប្រព័ន្ធការពាររបស់សត្រូវបានប្រើនៅក្នុងសមយុទ្ធនេះ ។

គួររម្លឹកថា សមយុទ្ធយោធា “Great Prophet 15” ត្រូវបានប្រារព្ធធ្វើឡើងជារៀងរាល់ឆ្នាំចាប់តាំងពីឆ្នាំ ២០០៨ ដោយ IRGC ប៉ុន្តែនៅឆ្នាំនេះវាកើតឡើងចំពេលដែលភាពតានតឹងកាន់តែខ្លាំងឡើងរវាងអ៊ីរ៉ង់ និងសហរដ្ឋអាមេរិក ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ អ៊ីរ៉ង់ឲ្យកងកម្លាំងអាកាស IRGC បាញ់ទម្លាក់រាល់ការឈ្លានពានរបស់យន្តហោះ B-52 អាមេរិក

ចុចអាន ៖ អ៊ីរ៉ង់បង្ហាញមូលដ្ឋានមីស៊ីលនៅឈូងសមុទ្រពែក្ស ចំពេលមានភាពតានតឹងជាមួយអាមេរិក