Connect with us

ព័ត៌មានអន្ដរជាតិ

ជំនួបលោក Macron និង Xi Jinping ៖ ប្រឆាំងការប្រើអាវុធនុយក្លេអ៊ែរ ហើយឲ្យ រុស្ស៊ី-អ៊ុយក្រែន ចរចារកសន្តិភាព

បានផុស

នៅ

មេដឹកនាំ​បារាំង ​និង​ចិន​បាន​ព្រមព្រៀង​គ្នា​ថា ​រុស្ស៊ី​ និង​អ៊ុយក្រែន មិនគួរប្រើអាវុធនុយក្លេអ៊ែរឡើយ ហើយគួរតែងាកមក​បន្ត​ការ​ចរចារក​សន្តិភាពឲ្យ​បាន​ឆាប់​តាម​ដែល​អាច​ធ្វើ​ទៅ​បាន ។

លោក Emmanuel Macron (ឆ្វេង) ចាប់ដៃជាមួយលោក Xi Jinping
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងជំនួបជាមួយប្រធានាធិបតីបារាំង Emmanuel Macron នៅទីក្រុងប៉េកាំង, លោក Xi Jinping ប្រធានាធិបតីចិនបាននិយាយថា ប្រទេសចិន និងបារាំងមានទំនួលខុសត្រូវក្នុងការលើកកម្ពស់ពហុភាគីនិយម ក៏ដូចជា ការពារសន្តិភាព ស្ថិរភាព និងវិបុលភាពនៃពិភពលោក ។

ទន្ទឹមនោះ លោក Macron ក៏បានបង្ហាញក្តីសង្ឃឹមដែរថា ប្រទេសចិននឹងធ្វើការដើម្បីសន្តិភាពនៅអ៊ុយក្រែន ហើយលោកកំពុងពឹងផ្អែកលើលោក Xi ទាំងស្រុងក្នុងការនាំប្រទេសរុស្ស៊ីត្រឡប់ទៅរកតុចរចាវិញ ដើម្បីជំរុញការចរចារកសន្តិភាព និងការដោះស្រាយផ្នែកនយោបាយជាដើម ។

ជាការឆ្លើយតប លោក Xi បាននិយាយថា “ប្រទេសចិនមានឆន្ទៈក្នុងការធ្វើការជាមួយប្រទេសបារាំងដើម្បីអំពាវនាវឲ្យសហគមន៍អន្តរជាតិរក្សាការអត់ធ្មត់ ក៏ដូចជាមានសុភវិនិច្ឆ័យ ហើយចៀសវាងការចាត់វិធានការដែលនឹងធ្វើឲ្យវិបត្តិកាន់តែយ៉ាប់យ៉ឺន ឬមិនអាចគ្រប់គ្រងបាន ជាពិសេសអាវុធនុយក្លេអ៊ែរ មិនត្រូវប្រើនោះទេ” ។

ពាក់ព័ន្ធនឹងបញ្ហានេះដែរ លោក Macron បានលើកឡើងថា “បំណងប្រាថ្នាដែលបារាំងមាននោះគឺ អាវុធនុយក្លេអ៊ែរត្រូវបានដកចេញទាំងស្រុងពីជម្លោះនេះ ហើយត្រូវគោរពសន្ធិសញ្ញាអន្តរជាតិទាំងអស់ ជាពិសេសទោះស្ថិតនៅក្រោមកាលៈទេសៈណាក៏ដោយ អាវុធនុយក្លេអ៊ែរមិនត្រូវបានដាក់ពង្រាយនៅខាងក្រៅទឹកដីនៃប្រទេសរបស់ខ្លួនឡើយ” ។

លោកបាននិយាយថា ផែនការរបស់រុស្ស៊ីក្នុងការដាក់ពង្រាយអាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុស គឺផ្ទុយនឹងការប្តេជ្ញាចិត្តដែលខ្លួនបានធ្វើចំពោះប្រទេសចិន ។

ជាចុងក្រោយលោក Macron បាននិយាយថា ការចរចាគួរតែត្រូវបានបន្តឡើងវិញឲ្យបានឆាប់តាមដែលអាចធ្វើទៅបាន ដើម្បីកសាងសន្តិភាពប្រកបដោយនិរន្តរភាព ហើយការគោរពចំពោះអធិបតេយ្យភាព និងបូរណភាពទឹកដីរបស់អ៊ុយក្រែន គឺជាលក្ខខណ្ឌមួយសម្រាប់សន្តិភាពពិតប្រាកដ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ុយក្រែន សុខចិត្តបើកទំព័រចរចាជាមួយ រុស្ស៊ី តែមានលក្ខខណ្ឌមួយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

សម្តេច ម៉ែន សំអន ឧទ្ទិសកុសល​ផល​បុណ្យ​ជូន​ដល់​វិញ្ញាណក្ខន្ធ លោក លីវ ម៉ូ​វ

ព័ត៌មានជាតិ១ ម៉ោង មុន

លោក ប៉ែន បូ​ណា លើកទឹកចិត្ត​យុវជន​ឱ្យខិត​ខំរៀន​សូត្រ ដើម្បី​ក្លាយជា​មូលធន​មនុស្ស​សម្រាប់​ប្រទេសជាតិ​

ព័ត៌មានជាតិ៣ ម៉ោង មុន

អស់រយៈពេល៨ថ្ងៃហើយ​ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ

សន្តិសុខសង្គម៣ ម៉ោង មុន

អាជ្ញាធរ ចុះរៀបចំសណ្តាប់ធ្នាប់ក្រោមស្ពានស្ទឹងមានជ័យ ដែលជាជម្រកជនអនាថាប្រព្រឹត្តបទល្មើស

ព័ត៌មានអន្ដរជាតិ៣ ម៉ោង មុន

ថៃ គ្រោង​ចេញ​ច្បាប់​អាជីវកម្ម​ហិរញ្ញវត្ថុ​ថ្មី ដើម្បី​ទាក់ទាញ​ការ​វិនិយោគ​បន្ថែម

ព័ត៌មានអន្ដរជាតិ៦ ម៉ោង មុន

ស្លាប់​១១​នាក់ បាត់ខ្លួន៣០នាក់ ក្នុង​ហេតុការណ៍​បាក់​ស្ពាន​នៅ​ចិន​ព្រោះ​ភ្លៀង​ធ្លាក់​ខ្លាំង

ព័ត៌មានជាតិ៣ ម៉ោង មុន

អស់រយៈពេល៨ថ្ងៃហើយ​ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ

សេចក្ដីជូនដំណឹង១០ ម៉ោង មុន

ដំណឹងមរណភាព​ មហាសទ្ធាភិរ័ក្ខញាណ​ ហ៊ី​ ឡាយ​ អគ្គមហាឧបាសកពុទ្ធសាសនូបត្ថម្ភក៍

ព័ត៌មានជាតិ២៣ ម៉ោង មុន

ឆ្លើយតបបញ្ហាកុមារឆ្លងទឹកស្ទឹងកំពុងហូរ ដើម្បីទៅរៀន ខេត្តកំពង់ចាម ស្នើក្រសួងជួយសង់ស្ពានឆ្លងស្ទឹងឆ្វេង ស្រុកបាធាយ

សន្តិសុខសង្គម៣ ម៉ោង មុន

អាជ្ញាធរ ចុះរៀបចំសណ្តាប់ធ្នាប់ក្រោមស្ពានស្ទឹងមានជ័យ ដែលជាជម្រកជនអនាថាប្រព្រឹត្តបទល្មើស

Sokha Hotels

ព័ត៌មានពេញនិយម