អ៊ីតាលី ប្រកាសដាក់ប្រទេសក្នុងភាពអាសន្ន ដោយសារលំហូរជនចំណាក​ស្រុក

អ៊ីតាលីបានប្រកាសដាក់ប្រទេសក្នុងភាពអាសន្នរយៈពេល ៦ ខែដើម្បីដោះស្រាយបញ្ហាការកើនឡើងនៃលំហូរជនចំណាកស្រុកដែលចូលមកអ៊ីតាលីតាមរយៈសមុទ្រមេឌីទែរ៉ាណេ ។

ទីភ្នាក់ងារព័ត៌មានរដ្ឋ ANSA បាននិយាយថា រដ្ឋាភិបាលបានអនុម័តវិធានការនេះ បន្ទាប់ពីសំណើរបស់រដ្ឋមន្ត្រីការពារជនស៊ីវិល Nello Musumeci ។

លោក Musumeci និយាយថា ទោះបីជាដាក់ប្រទេសក្នុងភាពអាសន្នក៏ដោយ តែបញ្ហានៅមិនអាចដោះស្រាយបាននោះឡើយ បើមិនមានការអន្តរាគមន៍ប្រកបដោយមនសិការ ​និងទទួលខុសត្រូវរបស់សហភាពអឺរ៉ុប ។

ទន្ទឹមនឹងនេះ លោកស្រីនាយករដ្ឋមន្ត្រី Giorgia Meloni និយាយថា ការសម្រេចចិត្តនេះ គឺមានគោលបំណងដើម្បីធ្វើឲ្យការឆ្លើយតបកាន់តែមានប្រសិទ្ធភាព និងទាន់ពេលវេលាចំពោះការគ្រប់គ្រងលំហូរជនចំណាកស្រុក ។

គួរឲ្យដឹងថា ក្នុងរយៈពេលប៉ុន្មានសប្តាហ៍ថ្មីៗនេះ ជនចំណាកស្រុក និងជនភៀសខ្លួនមកពីអាហ្វ្រិកខាងជើង ដែលមកដល់ឆ្នេរសមុទ្រភាគខាងត្បូងអ៊ីតាលី មានការកើនឡើង​គួរឲ្យកត់សម្គាល់ ដោយមានជាង ៣ ពាន់នាក់ក្នុងរយៈពេល ៣ ថ្ងៃចុងក្រោយនេះ ៕

ប្រែសម្រួលដោយ ៖ នាង រតនៈ

ប្រភព ៖ Anadolu

ចុចអាន ៖ ត្រាំ ៖ រុស្ស៊ី មិនមែនជាអ្នកបំផ្ទុះបំពង់បង្ហូរប្រេង Nord Stream ទេ ហើយក៏ មិនប្រាប់ថា ប្រទេសណាធ្វើនោះដែរ