ព័ត៌មានអន្ដរជាតិ

ថៃយកឈ្មោះ Lisa ដាក់ឲ្យរុក្ខជាតិជិតផុតពូជមួយប្រភេទ

បានផុស

៣ years មុន

នៅ

ថ្ងៃចន្ទ ១៧ មេសា ២០២៣

ដោយ

ក្រុមអ្នកស្រាវជ្រាវបានសម្រេចដាក់ឈ្មោះផ្កាមួយប្រភេទដែលទើបនឹងរកឃើញថ្មីថា Bunga Lalisa ដោយយកតាម Lisa សមាជិកក្រុម Blackpink ស្របពេលដែលវាជិតផុតពូជទៅហើយនៅក្នុងប្រទេសថៃ នេះបើយោងតាមកាសែតNationthailand។

យោងតាមរបាយការណ៍របស់ក្រុមស្រាវជ្រាវរួមមានលោក Tanawat Chaowasku ជំនួយការសាស្រ្តាចារ្យនៅសាកលវិទ្យាល័យវិទ្យាសាស្ត្រឈៀងម៉ៃបាននិយាយថា “ប្រភេទថ្មីនេះត្រូវបានដាក់ឈ្មោះជាកិត្តិយសដល់ Lalisa Manobal ដែលជាតារារ៉េប តារាចម្រៀង និងជាអ្នករាំដ៏ល្បីរបស់ប្រទេសថៃ ដែលកម្លាំងចិត្តរបស់គាត់បានជំរុញទឹកចិត្តអ្នកនិពន្ធដំបូងឲ្យយកឈ្នះលើឧបសគ្គទាំងឡាយក្នុងអំឡុងពេលសិក្សាថ្នាក់បណ្ឌិត”។

រុក្ខជាតិដ៏កម្រនេះត្រូវបានគេរកឃើញនៅខេត្ត Narathiwat ភាគខាងត្បូងប្រទេសថៃ វាជាមែកធាងគ្រួសារ Annonaceae នៃរុក្ខជាតិដែលរួមមានដើមឈើ shrubs ឬ lianas ខណៈ Bunga Lalisa ត្រូវបាគេរកឃើញនៅក្នុងព្រៃបន្ទាប់បន្សំនៅជាប់នឹងចម្ការកៅស៊ូ។ ចំណែកទីជម្រករបស់វាបាននិងកំពុងរងការគំរាមកំហែងយ៉ាងខ្លាំងបន្ទាប់ពីមានតែ Bunga Lalisa មួយគូប៉ុណ្ណោះដែលរកឃើញនៅខេត្ត Narathiwat ។

យ៉ាងណាមិញ ដោយសារតែរុក្ខជាតិមួយគូរកឃើញដោយចៃដន្យ ក្រុមអ្នកស្រាវជ្រាវបាននិយាយថា រុក្ខជាតិនេះគួរតែត្រូវគេកំណត់ថា “ជិតផុតពូជ” ក្រោមស្តង់ដារសហភាពអន្តរជាតិសម្រាប់ការអភិរក្សធម្មជាតិ ហើយការសិក្សាបន្ថែមទៀតគួរតែធ្វើឡើងលើរុក្ខជាតិដែលទើបនឹងរកឃើញនេះ ដើម្បីស្វែងរកថា តើវាមានសក្តានុពលសម្រាប់ការអភិវឌ្ឍជាថ្នាំថ្មីដែរឬទេ៕

ប្រែសម្រួល៖ សាង ស្រីល័ក្ខ

ចុចអាន៖ថៃ ចេញច្បាប់ដែកចំនួន ៤ ថ្ងៃសង្ក្រាន្តចូលឆ្នាំថ្មី ជាពិសេសមិនឲ្យស្រាតលេងបាញ់ទឹក