ព័ត៌មានអន្ដរជាតិ
១០ ប្រទេសដែលមិនទាន់មានការឆ្លងកូវីដសូម្បីមួយករណី
Published
2 months agoon
By
Sok Chivonជំងឺកូវីដ ១៩ បានសាយភាយពាសពេញពិភពលោកចាប់តាំងពីការផ្ទុះឡើងដំបូងនៅប្រទេសចិននៅចុងឆ្នាំ ២០១៩ ប៉ុន្តែនៅមានប្រទេសមួយចំនួនតូចដែលនៅតែមិនមានករណីឆ្លងជំងឺនេះ ។
គិតមកត្រឹមពេលនេះពិភពលោកមានករណីឆ្លងជំងឺកូវីដ ១៩ ជាង ៩៥ លានករណី ហើយវាត្រូវបានគេរកឃើញនៅគ្រប់ទ្វីបរួមទាំងអង់តាក់ទិកជាដើម ប៉ុន្តែមានប្រទេសកោះចំនួន ១០ បានការពារ និងទប់ស្កាត់មិនឲ្យឆ្លងជំងឺនេះសូម្បីតែមួយករណី ។
១. ទូវ៉ាលូ (Tuvalu)

ទូវ៉ាលូជាក្រុមនៃកោះចំនួន ៩ នៅតំបន់ប៉ាស៊ីហ្វិកខាងត្បូងស្ថិតនៅរវាងកោះហាវ៉ៃ និងប្រទេសអូស្ត្រាលី ហើយមានប្រជាជនចំនួន ១១,៦៤៦ នាក់ និងមានផ្ទៃដីត្រឹមតែ ១៦ គីឡូម៉ែត្រក្រឡានៃផ្ទៃដីសរុប ។
ប្រទេសកោះនេះបានបិទព្រំដែនរបស់ខ្លួនយ៉ាងឆាប់រហ័សនៅពេលចាប់ផ្ដើមនៃជំងឺរាតត្បាតសម្រាប់ជនបរទេសទាំងអស់ ហើយបានណែនាំរយៈពេលធ្វើចត្តាឡីស័កផងដែរ ។
២. តុងហ្គា (Tonga)

តុងហ្គាគឺជាប្រទេសប៉ូលីនេស៊ី (Polynesian) និងជាប្រជុំកោះដែលមានកោះចំនួន ១៦៩ តែមានមនុស្សរស់នៅលើកោះតែ ៣៦ ប៉ុណ្ណោះ ។ វាជាប្រទេសមួយក្នុងចំណោមប្រទេសដែលមានប្រជាជនច្រើនជាងគេនៅប៉ាស៊ីហ្វិកដែលមានប្រជាជន ១០៤,៤៩៤ នាក់ ។
ព្រំដែនប្រទេសតុងហ្គាត្រូវបានបិទសម្រាប់ការចូលមកដល់របស់ជនបរទេសទាំងអស់ ប៉ុន្តែមានករណីលើកលែង ប្រសិនបើមានការអនុញ្ញាតពីអាជ្ញាធររដ្ឋាភិបាលដែលពាក់ព័ន្ធ ហើយព្រះរាជាណាចក្រនេះបានដាក់បម្រាមគោចរពេលយប់ចាប់ពីពាក់កណ្តាលអធ្រាត្រដល់ម៉ោង ៥ ព្រឹក ។
៣. តូខេឡៅ (Tokelau)

តូខេឡៅ ជាទឹកដីអាស្រ័យរបស់នូវែលហ្សេឡង់នៅមហាសមុទ្រប៉ាស៊ីហ្វិកភាគខាងត្បូងមានប្រជាជនតាមការប៉ាន់ស្មានត្រឹមតែ ១,៤១១ នាក់ ។
ការរឹតត្បិតតាមព្រំដែនត្រូវបានណែនាំយ៉ាងឆាប់រហ័សដើម្បីទប់ស្កាត់ការរីករាលដាលនៃជំងឺកូវីដ ១៩ ទៅកាន់កោះនេះ ហើយអ្នកដំណើរទាំងអស់ត្រូវឆ្លងកាត់ការត្រួតពិនិត្យសុខភាពនៅកោះ Samoa មុនពេលធ្វើដំណើរទៅ ។
៤. សាំងហេលេណា (Saint Helena)

កោះសាំងហេលេណា ជាដែនដីចក្រភពអង់គ្លេស និងជាកោះភ្នំភ្លើងត្រូពិកដាច់ស្រយាលដែលមានទីតាំងស្ថិតនៅក្នុងមហាសមុទ្រអាត្លង់ទិចខាងត្បូង ។
កោះនេះតម្រូវឲ្យអ្នកដែលធ្វើដំណើរតាមអាកាសត្រូវជិះឡានតូចដែលផ្តល់ដោយអាជ្ញាធរមូលដ្ឋានទៅកន្លែងធ្វើចត្តាឡីស័ករបស់រដ្ឋាភិបាល ។ ពួកគេត្រូវបានធ្វើតេស្តរកវីរុសនៅពេលមកដល់ និងនៅចុងបញ្ចប់នៃការធ្វើចត្តាឡីស័ករយៈពេល ១៤ ថ្ងៃ ។
រាល់ការបំពានលើលទ្ធផលនៃការធ្វើចត្តាឡីស័កនឹងត្រូវពិន័យជាប្រាក់រហូតដល់ ៥,០០០ ផោន ។
៥. កោះភីតកាន (Pitcairn Islands)

កោះភីតកាន គឺជាក្រុមមួយនៃកោះភ្នំភ្លើងចំនួន ៤ នៅមហាសមុទ្រប៉ាស៊ីហ្វិកភាគខាងត្បូងដែលកើតឡើងពីដែនដីក្រៅប្រទេសអង់គ្លេស (British Overseas Territory) នៅមហាសមុទ្រប៉ាស៊ីហ្វិក ។ ទឹកដីនេះមានបណ្តោយតែ ៣.២១ គីឡូម៉ែត្រ និងទទឹង ១.៦០ គីឡូម៉ែត្រប៉ុណ្ណោះ ។
កោះដែលមានប្រជាជនត្រឹមតែ ៥០ នាក់មួយនេះបាននិយាយថា ការរឹតបន្តឹងការធ្វើដំណើរនឹងនៅតែមានរហូតដល់យ៉ាងហោចណាស់ខែមីនា ឆ្នាំ ២០២២ ។
៦. កោះខូក (Cook Islands)

កោះខូកមានកោះចំនួន ១៥ នៅមហាសមុទ្រប៉ាស៊ីហ្វិកខាងត្បូង ហើយបានគ្រប់គ្រងជាប្រទេសដោយខ្លួនឯងពីប្រទេសនូវែលហ្សេឡង់ ។
កោះដែលមានប្រជាជនចំនួន ១៧,៤៥៩ នាក់នៅតែមិនមានករណីឆ្លងជំងឺកូវីដ ១៩ បន្ទាប់ពីបានបិទព្រំដែនរបស់ខ្លួនទៅកាន់ពិភពលោក ។
៧. កោះគីរីបាទី (Kiribati)

គីរីបាទីជាប្រទេសកោះឯករាជ្យមួយនៅកណ្តាលមហាសមុទ្រប៉ាស៊ីហ្វិក ។ កោះនេះមានប្រជាជនត្រឹមតែជាង ១១០,០០០ នាក់ដែលច្រើនជាងពាក់កណ្តាលនៃពួកគេរស់នៅលើកោះ Tarawa ។ រដ្ឋនេះមានកោះតូចៗចំនួន ៣២ និងកោះផ្កាថ្មមួយកន្លែងគឺ Banaba ។
ប្រទេសនេះបានចាត់វិធានការយ៉ាងឆាប់រហ័សដើម្បីគ្រប់គ្រងការរីករាលដាលនៃវីរុសដោយបិទរាល់ការធ្វើដំណើរដែលមិនចាំបាច់នៅពាក់កណ្តាលខែមីនា និងអនុវត្តការធ្វើចត្តាឡីស័ករយៈពេល ១៤ ថ្ងៃ ។
៨. កោះណូរូ (Nauru)

កោះណូរូ ដែលមានទីតាំងនៅកោះម៉ាយក្រូណេស៊ី (Micronesia) គឺជាប្រទេសដែលតូចជាងគេលំដាប់ទី ៣ នៅលើពិភពលោកដែលមានប្រជាជន ១២,៧០០ នាក់ ។ គេដឹងថាកោះនេះមានមណ្ឌលឃុំឃាំងជនអន្តោប្រវេសន៍នៅឯនាយឆ្នេរប្រទសអូស្ត្រាលី ។
ប្រទេសនេះបានអនុវត្តការរឹតបន្តឹងជំងឺកូវីដ ១៩ យ៉ាងតឹងរ៉ឹង ។ រដ្ឋាភិបាលបានប្រកាសអាសន្នថ្នាក់ជាតិជាវិធានការណ៍បង្ការ ទោះបីមិនបានកត់ត្រាករណីឆ្លងវីរុសសូម្បីមួយករណីក៏ដោយ ហើយបានផ្អាកការហោះហើរទាំងអស់ទៅកាន់ប្រទេសនេះ ។
ប្រទេសនេះក៏បានណែនាំការធ្វើចត្តាឡីស័ករយៈពេល ១៤ ថ្ងៃសម្រាប់ការមកដល់របស់ភ្ញៀវទេសចរទាំងអស់ ។
៩. កោះណៀ (Niue)

កោះណៀ ជាកោះផ្កាថ្មមួយនៅតំបន់ប៉ាស៊ីហ្វិកខាងត្បូងមានទំហំ ១ ភាគ ៦ នៃទំហំទីក្រុងឡុងដ៍ ។ វាជារដ្ឋគ្រប់គ្រងដោយខ្លួនឯងជាមួយប្រទេសនូវែលហ្សេឡង់ ។
កោះណៀមានចំនួនប្រជាជនតែ ១,៧០០ នាក់ប៉ុណ្ណោះរស់នៅលើកោះនេះ ខណៈមនុស្សជាង ៣០,០០០ នាក់ ឬជាង ៩៥ ភាគរយនៃប្រជាជនរបស់ខ្លួនរស់នៅក្នុងប្រទេសនូវែលហ្សេឡង់ដែលពួកគេមានសិទ្ធិជាពលរដ្ឋ ។
កោះណៀបានអនុវត្តការរឹតត្បិតការធ្វើដំណើរយ៉ាងខ្លាំង នៅពេលចាប់ផ្តើមរោគរាតត្បាត ខណៈដែលឥឡូវនេះកំពុងចាប់ផ្តើមបន្ថូរបន្ថយ បន្ទាប់ពីរដ្ឋាភិបាលបានយល់ព្រមបង្កើនចំនួនអ្នកដំណើរដែលធ្វើដំណើរមកពីប្រទេសនូវែលហ្សេឡង់ ។
១០. កោះប៉ាឡៅ (Palau)

កោះប៉ាឡៅដែលជាប្រជុំកោះមានកោះជាង ៥០០ នៅមហាសមុទ្រប៉ាស៊ីហ្វិកខាងលិចមានចំនួនប្រជាជនប្រហែល ១៨,០០០ នាក់ ។ កាលពីពេលថ្មីៗនេះប្រទេសនេះបានទទួលការដឹកជញ្ជូនវ៉ាក់សាំងលើកដំបូងរបស់ខ្លួនពីក្រុមហ៊ុនឱសថរបស់អាមេរិកឈ្មោះ Moderna ។
ក្រុមមន្រ្តីកោះប៉ាឡៅមានគោលបំណងចាក់វ៉ា់ក់សាំងនៅទូទាំងប្រទេសនៅត្រឹមខែមេសា ប៉ុន្តែពួកគេនិយាយថា កាលបរិច្ឆេទអាចនឹងត្រូវពន្យារពេលដោយសារតែការរង់ចាំក្នុងការបែងចែកដូស ។ រហូតមកដល់ពេលនេះកោះប៉ាឡៅមិនបានកត់ត្រាករណីឆ្លង ឬការស្លាប់ដោយសារជំងឺកូវីដ ១៩ សូម្បីតែមួយករណី ៕
ប្រែសម្រួលដោយ ៖ ជីវ័ន្ត
ប្រភព ៖ Daily Mail
You may like
-
មកលេងផ្ទះ២ថ្ងៃនៅតាកែវ ត្រឡប់ទៅកំពង់សោមវិញ ធ្វើតេស្តឃើញវិជ្ជមានកូវីដ-១៩
-
រកឃើញភ្ញៀវស្នាក់នៅផ្ទះជួលវិជ្ជមានកូវីដ អាជ្ញាធរបង្ខំបិទបន្ទាន់
-
អ្នកពាក់ព័ន្ធជាមួយស្ត្រីវៀតណាម២នាក់ឆ្លងកូវីដ១៩នៅស្វាយរៀងជិត៤០នាក់លទ្ធផលតេស្តលើកទី១អវិជ្ជមានទាំងអស់
-
ខេត្តព្រះសីហនុ សម្រេចយកទីតាំងសាលាបឋមសិក្សា និង អនុវិទ្យាល័យតេ ជោសែនកម្មករសម្រាប់ចាក់វ៉ាក់សាំង កូវីដ១៩
-
ផ្សារច្បារអំពៅ បំពាក់ម៉ាស៊ីនស្ទង់កម្តៅ គ្រប់ច្រកល្ហកចេញចូល
-
សង្ស័យ! គ្រូពេទ្យចុះយកសំណាកបុគ្គលិកការ៉ាស់ឡានក្នុងបុរីប៉េងហួតទាំងយប់
ចុច Like Facebook កម្ពុជាថ្មី

ថ្ងៃនេះរកឃើញអ្នកពាក់ព័ន្ធ៤០០នាក់ ជាមួយជនជាតិចិនដែលឆ្លងកូវីដ១៩នៅខេត្តកោះកុង

ពលរដ្ឋផ្អើលនាំគ្នាទៅមើលបាតុភូតចម្លែកទឹកធ្លាក់ពីលើមែកឈើមិនឈប់នៅវត្តត្បូង

លោក ហ៊ុន ម៉ាណែត ចុះត្រួតពិនិត្យសកម្មភាពហ្វឹកហ្វឺនកងកម្លាំងត្រៀមចូលរួមទប់ស្កាត់ការរីករាលដាលនៃជំងឺកូវីដ-១៩

មកលេងផ្ទះ២ថ្ងៃនៅតាកែវ ត្រឡប់ទៅកំពង់សោមវិញ ធ្វើតេស្តឃើញវិជ្ជមានកូវីដ-១៩

អ្នកជំនាញអះអាងថា តម្លៃដំឡូងមីនៅឆ្នាំនេះខ្ពស់ជាងឆ្នាំមុន

(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…

ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF

មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច

ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ

ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
ព័ត៌មានពេញនិយម
-
ព័ត៌មានជាតិ1 day ago
ច្បាប់ថ្មី៖ អ្នកចម្លងជំងឺកូវីដ-១៩ទៅអ្នកដទៃ ត្រូវដាក់ពន្ធនាគារពី៦ខែ ដល់១០ឆ្នាំ ពិន័យពី ២លាន ដល់ ២០លានរៀល
-
ព័ត៌មានជាតិ1 day ago
សម្តីពីមាត់ឃាតក ស្រឡាញ់នារីរងគ្រោះ៤ខែ ទ្រាំមិនបានចាប់រំលោភ ខ្លាចបែកការណ៍ទើបសម្លាប់ចោល
-
ព័ត៌មានជាតិ1 day ago
ផ្ទុះកូវីដនៅជ្រៃធំ ដាក់មនុស្ស ៧០០ នាក់ឲ្យធ្វើចត្តាឡីស័ក
-
ព័ត៌មានជាតិ2 days ago
សមត្ថកិច្ចខេត្តសៀមរាបចាប់បានឃាតករំលោភ និងសម្លាប់នារីនៅខេត្តបន្ទាយមានជ័យ បានហើយ
-
ជំនឿ1 week ago
តើសុបិនឃើញនាយករដ្ឋមន្ត្រីមកលេងដល់កន្លែង មានន័យយ៉ាងណាដែរ?
-
ព័ត៌មានជាតិ2 days ago
អាជ្ញាធរចុះបាញ់ថ្នាំទំាងយប់ផ្សារក្តាម ក្រោយគូសង្សារចិនឆ្លងកូវីដ ១៩
-
ជីវិតកម្សាន្ដ1 day ago
ក្រោយបាត់ខ្លួនប៉ុន្មានថ្ងៃ តារាសម្ដែងប្រុសមីយ៉ាន់ម៉ា ត្រឡប់មកវិញក្នុងបាតុកម្ម
-
ព័ត៌មានជាតិ2 days ago
២៤ ម៉ោងចុងក្រោយ រកឃើញឆ្លង ២៣ នាក់ទៀត