ប៉ូលិសប្រឆាំងបទល្មើសបច្ចេកវិទ្យា ថៃ បង្ក្រាបក្រុមឆបោកផ្ដល់ប្រាក់កម្ចី​តាមអនឡាញ និងជួយជនរងគ្រោះ ៤០០ នាក់

ការិយាល័យស៊ើបអង្កេតបទល្មើសបច្ចេកវិទ្យាថៃ ក្រោមការដឹកនាំរបស់លោកឧត្តមសេនីយ៍ទោ Worawat Watnakornbancha អគ្គស្នងការនគរបាលជាតិថៃកាលពីថ្ងៃទី២៧ ខែមេសា ឆ្នាំ២០២៣ បានចេញបញ្ជឲ្យកម្លាំងសមត្ថកិច្ចតាមអង្គភាពពាក់ព័ន្ធ បើកប្រតិបត្តិការស្រាវជ្រាវរកមុខសញ្ញាក្រុមឆបោកផ្ដល់ប្រាក់កម្ចីក្លែងក្លាយតាមអនឡាញ ។

ក្នុងនោះ កម្លាំងសមត្ថកិច្ចបានឈានដល់ការបំបែកបណ្ដាញក្រុមឆបោកផ្ដល់ប្រាក់កម្ចីតាមអនឡាញ ជាមួយនឹងបទល្មើសមួយចំនួនទៀត ហើយថែមទាំងបានជួយសង្គ្រោះដល់ជនរងគ្រោះជាង ៤០០ នាក់ផងដែរ ដែលលង់ជឿតាមការឆបោកល្បួងឲ្យខ្ចីប្រាប់តាមរយៈគេហទំព័រ និងតាមរយៈសារ (SMS) ។

លោក Worawat បានឲ្យដឹងថា ក្រុមឆបោកបានធ្វើការឃោសនាផ្ដល់ប្រាក់កម្ចីខ្ពស់ ហើយអត្រាការប្រាក់ទាប, ការអនុម័តកម្ចីប្រាក់ឆាប់រហ័ស និងតម្រូវការឯកសារតិច និងងាយស្រួល ។ បន្ទាប់មកក្រុមឆបោកឲ្យជនរងគ្រោះភ្ជាប់បណ្ដាញ LINE ដើម្បីដំណើរការកម្មវិធីកម្ចីប្រាក់ក្លែងក្លាយ ដែលពួកគេ​អះអាងថា ជន​រង​គ្រោះ​នឹង​ទទួលបាន​ប្រាក់កម្ចីពិតប្រាកដ​មែន ។

ប៉ុន្តែ​បន្ទាប់មក​មាន​លក្ខខណ្ឌផ្សេង​ៗទៀតដូច​ជា តម្រូវឲ្យជនរងគ្រោះត្រូវផ្ទេរ​ប្រាក់​កក់ជា​មុន ត្រូវធ្វើគោលការណ៍ធានារ៉ាប់រង ក៏ដូចជាការពារចំនួនទឹកប្រាក់កម្ចី ដែលត្រូវតែបង់ជាមុន ឬរាយការណ៍ថា លេខគណនីធនាគារត្រូវបានបញ្ចូលត្រឹមត្រូវ​សម្រាប់ប្រាក់កម្ចី​ជាដើម ធ្វើឲ្យជនរងគ្រោះលង់ជឿរហូតដល់​ផ្ទេរ​ប្រាក់តាមការណែនាំរបស់ក្រុមឆបោក ប៉ុន្តែនៅទីបំផុតទើបដឹងថា គឺជាការឆបោក ៕

ប្រែសម្រួលដោយ ៖ គង់ សំអាន

ប្រភព ៖ Naewna

ចុចអាន ៖ បក្សភឿ ថៃ របស់កូនស្រីលោក ថាក់ស៊ីន នឹងដំឡើងថ្លៃកៅស៊ូជួយកសិករ ពេលជាប់ឆ្នោត