ឥណ្ឌា បំបែកកំណត់ត្រាថ្មី មានអ្នកធ្វើដំណើរតាមយន្តហោះច្រើនបំផុត ត្រឹមមួយថ្ងៃ

ចរាចរណ៍ផ្លូវអាកាសក្នុងស្រុករបស់ប្រទេសឥណ្ឌា បានឈានដល់កម្រិតខ្ពស់បំផុតមិនធ្លាប់មានសោះ ពោលគឺត្រឹមមួយថ្ងៃ មានអ្នកដំណើរតាមយន្តហោះរហូតដល់ទៅ៤.៥៦លាននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំណត់ត្រានេះ ត្រូវបានបំបែកកាលពីថ្ងៃទី៣០ខែមេសា នៅពេលជើងហោះហើរចំនួន ២៩៧៨ជើង បានហោះហើរនៅទូទាំងប្រទេស។

រដ្ឋមន្ត្រីអាកាសចរណ៍លោក Jyotiraditya Scindia បានបង្ហោះ Twitter ថា “ចរាចរណ៍របស់អ្នកដំណើរក្នុងស្រុក ដែលកើនឡើងយ៉ាងគំហុក ក្រោយវិបត្តិជំងឺរាតត្បាតកូវីដ១៩នេះ គឺជាការឆ្លុះបញ្ចាំងអំពីកំណើនសេដ្ឋកិច្ចដ៏ខ្ពស់របស់ប្រទេសឥណ្ឌា”។

គួរបញ្ជាក់ថា អ្នកដំណើរជាង៣៧.៥លាននាក់ បានធ្វើដំណើរតាមយន្តហោះនៃក្រុមហ៊ុនអាកាសចរណ៍ក្នុងស្រុក សម្រាប់រយៈពេលត្រឹមតែ៣ខែដំបូងនៃឆ្នាំ២០២៣។

ស្របពេលជាមួយគ្នានោះ ទិន្នន័យ​ពី​អគ្គនាយកដ្ឋាន​អាកាសចរណ៍​ស៊ីវិល​របស់​ប្រទេសឥណ្ឌា ​បាន​បង្ហាញ​ថា ទិន្នន័យនេះ​គឺ​សម្គាល់​អំពីកំណើន ៥១,៧% បើ​ធៀប​នឹង​ឆ្នាំ​មុន​៕

ប្រែសម្រួល៖ Vann Vann

ប្រភព៖ BBC

ចុចអាន៖ ៣ខែទៀត ឥណ្ឌា នឹងវ៉ាដាច់ ចិន ក្លាយជា ប្រទេសមានប្រជាជនច្រើនជាងគេបំផុត លើពិភពលោក