ព័ត៌មានអន្ដរជាតិ
ចិន ថា ការពង្រីកខ្លួនរបស់ ណាតូ នៅអាស៊ី ចៀសមិនរួចទេ នឹងមានការបំផ្លាញសន្តិភាពក្នុងតំបន់
អ្នកនាំពាក្យក្រសួងការបរទេសចិន លោកស្រី ម៉ៅ នីង (Mao Ning) បាននិយាយនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ថា ការពង្រីកខ្លួនរបស់អង្គការណាតូមកកាន់ទឹកដីនៅអាស៊ីប៉ាស៊ីហ្វិក នឹងធ្វើឲ្យស្ថិរភាពនៃតំបន់នេះកាន់តែអាក្រក់ទៅៗ ។
ឆ្លើយតបទៅនឹងសំណើរបស់សារព័ត៌មាន TASS ដើម្បីឲ្យធ្វើអត្ថាធិប្បាយលើផែនការរបស់អង្គការណាតូក្នុងការបើកការិយាល័យនៅក្នុងប្រទេសជប៉ុន, លោកស្រី ម៉ៅ បាននិយាយថា “ការបន្តពង្រីកខ្លួនរបស់អង្គការណាតូទៅកាន់តំបន់អាស៊ីប៉ាស៊ីហ្វិក និងការជ្រៀតជ្រែករបស់សម្ព័ន្ធភាពក្នុងកិច្ចការតំបន់ នឹងធ្វើឲ្យខូចដល់សន្តិភាព និងស្ថិរភាពចៀសមិនរួច” ។
អ្នកការទូតរូបនេះបានសង្កត់ធ្ងន់ថា “អាស៊ីមិនគួរក្លាយជាសង្វៀននៃការប្រកួតប្រជែងភូមិសាស្ត្រនយោបាយនោះទេ ។ ការឈានជើងចូលរបស់អង្គការណាតូនៅអាស៊ី នឹងធ្វើឲ្យការប្រឈមមុខដាក់គ្នាក្នុងប្លុកកាន់តែងាយស្រួលផ្ទុះឡើង ដូច្នេះយើងគួរតែមានការព្រួយបារម្ភ ជាពិសេសប្រទេសក្នុងតំបន់” ។
កាលពីថ្ងៃទី៣ ខែឧសភា សារព័ត៌មានជប៉ុន Nikkei បានរាយការណ៍ថា “អង្គការណាតូគ្រោងនឹងបើកការិយាល័យទំនាក់ទំនងរបស់ខ្លួននៅក្នុងប្រទេសជប៉ុននាឆ្នាំក្រោយ ហើយការិយាល័យនេះនឹងអនុញ្ញាតឲ្យសម្ព័ន្ធភាពយោធាធ្វើការពិគ្រោះយោបល់តាមកាលកំណត់ជាមួយប្រទេសជប៉ុន និងដៃគូសំខាន់ៗនៅក្នុងតំបន់ដូចជា កូរ៉េខាងត្បូង អូស្ត្រាលី និងនូវែលសេឡង់” ។
សារព័ត៌មានជប៉ុនមួយនេះបានលើកឡើងទៀតថា ការសម្រេចចិត្តជាផ្លូវការសម្រាប់ការបើកការិយាល័យនេះ គួរតែត្រូវបានធ្វើឡើងមុនកិច្ចប្រជុំកំពូលណាតូនៅទីក្រុង វីលនីញូស នៃប្រទេសលីទុយអានី នាថ្ងៃទី១១ ដល់ថ្ងៃទី១២ ខែកក្កដាខាងមុខនេះ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ