ព័ត៌មានអន្ដរជាតិ

រូបសំណាកនាងមច្ឆានៅ អ៊ីតាលី រងភាពចម្រូងចម្រាស ព្រោះតែស្រើបស្រាលពេក

បានផុស

១១ ខែ មុន

នៅ

ថ្ងៃអង្គារ ៩ ឧសភា ២០២៣

ដោយ

អ្នកប្រើបណ្ដាញសង្គមបានបញ្ចេញមតិជុំវិញភាពចម្រូងចម្រាសលើរូបសំណាកនាងមច្ឆាមួយនៅភាគខាងត្បូងប្រទេសអ៊ីតាលី ខណៈអ្នករិះគន់ភាគច្រើននិយាយពីដងខ្លួនថា វាហាក់បញ្ចេញភាពស្រើបស្រាលហួសហេតុពេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Adolfo Marciano នាយកសាលាសិល្បៈនៃវិទ្យាល័យ IISS Luigi Russo ក្នុងទីក្រុង Monopoli ប្រទេស អ៊ីតាលី ដែលជាអ្នកបង្កើតរូបសំណាកដ៏ល្បីនាពេលបច្ចុប្បន្ននេះ បានប្រាប់ Fox News Digital នៅក្នុងសេចក្តីថ្លែងការណ៍មួយថា “យើងស្វាគមន៍ការពិភាក្សាអំពីរូបសំណាកនាងមច្ឆា។ ដរាបណាបញ្ហាទាក់ទងនឹងសេរីភាព ការបញ្ចេញមតិសិល្បៈ ឬរូបរាងរាងកាយរបស់ស្ត្រី ឬបុរស”។

តាំងពីចុងខែមេសាកន្លងទៅ អ្នកស្រុកនៅតំបន់នោះ និងប្រជាជនអ៊ីតាលីដ៏ច្រើននាក់បានរិះគន់ថា តើចម្លាក់នាងមច្ឆារាងកោងនេះជាស្នាដៃសិល្បៈសមរម្យទេ? ដោយសារតែវាមានទីតាំងនៅជិតសួនឧទ្យានដែលជាកន្លែងលេងសម្រាប់កុមារ។ជាមួយគ្នានោះដែរអ្នកខ្លះក៏រិះគន់ថា សុដន់ស៊ីលីកូនរបស់ Mermaid នឹងធ្វើឲ្យគ្រូពេទ្យវះកាត់យកតម្រាប់តាម។ ប្រសិនបើក្មេងៗមកមើលវាមនុស្សនឹងគិតថា “អូនាងសិចស៊ី” ។ ជាពិសេសនោះគឺ មច្ឆាមានគូទដូចមនុស្ស និងកន្ទុយត្រីហើយវាកំពុងកំណត់ស្តង់ដារសម្រស់មិនពិតប្រាកដសម្រាប់នាងមច្ឆាគ្រប់ទីកន្លែងផ្សេងទៀតផងដែរ។

ទោះយ៉ាងណាក៏ដោយ ក្នុងនោះមានអ្នកខ្លះក៏បញ្ចេញមតិស្របថា ពួកគេមិនភ្ញាក់ផ្អើលទាល់តែសោះចំពោះរូបសំណាកមួយនេះ ព្រោះកន្លងមកប្រទេសអ៊ីតាលីពោរពេញដោយសិល្បៈអាក្រាតកាយពាសពេញទៅហើយ។ នេះក៏ជារឿងធម្មតានិងមិនមែនជាសំណង់ទីមួយសម្រាប់អ៊ីតាលីនោះទេ។

បើយោងតាមកាសែត Monopoli Times បានបញ្ចាក់ដែរថា សាលាបានបង្កើតរូបសំណាកនេះជាមធ្យោបាយមួយដើម្បីគោរពដល់ Rita Levi-Montalcini សមាជិកព្រឹទ្ធសភាអ៊ីតាលី និងជាម្ចាស់ជយលាភីណូបែលប៉ុណ្ណោះ៕