អាស៊ាន បារម្ភខ្លាំង ចំពោះអំពើហិង្សានៅ មីយ៉ាន់ម៉ា

សមាគមប្រជាជាតិអាស៊ីអាគ្នេយ៍ (អាស៊ាន) បាននិយាយថា ខ្លួនមានការព្រួយបារម្ភយ៉ាងខ្លាំង អំពីអំពើហិង្សាដែលកំពុងបន្តនៅក្នុងប្រទេសមីយ៉ាន់ម៉ា ហើយបានថ្កោលទោសការវាយប្រហារនាពេលថ្មីៗនេះលើក្បួនរថយន្តដែលផ្តល់ជំនួយមនុស្សធម៌នៅក្នុងរដ្ឋ Shan។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជម្លោះ​នៅប្រទេស​មី​យ៉ាន់​ម៉ា​បាន​គ្របដណ្ដប់ ​លើ​កិច្ចពិភាក្សា​នេះ ខណៈ​មេដឹកនាំ​អាស៊ាន​ជួប​ប្រជុំ​នៅ​ប្រទេស​ឥណ្ឌូណេស៊ី​។

អាស៊ានបាននិយាយក្នុងសេចក្តីថ្លែងការណ៍មួយនៅថ្ងៃពុធទី១០ខែឧសភាថា “យើងមានការព្រួយបារម្ភយ៉ាងខ្លាំង ចំពោះអំពើហិង្សាដែលកំពុងបន្តនៅក្នុងប្រទេសមីយ៉ាន់ម៉ា ហើយសូមជំរុញឲ្យបញ្ឈប់ជាបន្ទាន់នូវរាល់ទម្រង់នៃអំពើហិង្សា និងការប្រើប្រាស់កម្លាំង”។

ស្របពេលជាមួយគ្នានោះ អាស៊ានបានអំពាវនាវឲ្យមានបរិយាកាសអំណោយផលសម្រាប់ការផ្តល់ជំនួយមនុស្សធម៌ប្រកបដោយសុវត្ថិភាព និងទាន់ពេលវេលា និងកិច្ចសន្ទនាថ្នាក់ជាតិ។

ប្រទេសឥណ្ឌូនេស៊ី និងសិង្ហបុរីកាលពីថ្ងៃចន្ទ បានថ្កោលទោសការវាយប្រហារលើក្បួនរថយន្តជំនួយដែលដឹកអ្នកការទូតក្នុងតំបន់ រួមទាំងបុគ្គលិកពីរនាក់មកពីស្ថានទូតសិង្ហបុរីនៅទីក្រុងយ៉ាំងហ្គោនផងដែរ។

មានព័ត៌មានលម្អិតតិចតួចណាស់ត្រូវបានគេដឹងអំពីការបាញ់ប្រហារនៅរដ្ឋ Shan ភាគខាងកើតប្រទេសមីយ៉ាន់ម៉ា ប៉ុន្តែសិង្ហបុរី និងឥណ្ឌូណេស៊ីនិយាយថា អ្នកតំណាងរបស់ពួកគេមិនមានរបួសអ្វីឡើយ៕

ប្រែសម្រួល៖ Vann Vann

ប្រភព៖ CNA

ចុចអាន៖ កិច្ចប្រជុំកំពូលអាស៊ានលើកទី៤២ ចាប់ផ្តើមជាផ្លូវការ