Breaking News! គណបក្សភឿថៃរបស់កូនស្រីលោក ថាក់ស៊ីន កំពុងនាំមុខ​សំឡេងឆ្នោតបណ្ដោះអាសន្ន

គណៈកម្មាធិការរៀបចំការបោះឆ្នោតថៃ (EC) បានចាប់ផ្តើមរាប់សន្លឹកឆ្នោត បន្ទាប់ពីការបោះឆ្នោតសកលបានបញ្ចប់នៅម៉ោង ៥ ល្ងាចថ្ងៃអាទិត្យនេះ ។

គិតត្រឹមម៉ោង ១០ យប់នេះ គណបក្សភឿថៃរបស់កូនស្រីលោក ថាក់ស៊ីន ស៊ីណាវ៉ាត់ត្រា បាននាំមុខអាសនៈតាមមណ្ឌលបោះឆ្នោត ខណៈគណបក្សចលនាឆ្ពោះទៅមុខ (Move Forward) បាននាំមុខក្នុងបញ្ជីគណបក្ស បន្ទាប់មកគឺគណបក្សភូមិចៃថៃ (Bhumjaithai Party) ដឹកនាំដោយរដ្ឋមន្ត្រីសុខាភិបាល លោក អានូធីន ឆានវីរៈគុល (Anutin Charnvirakul) ។

ចំណែកគណបក្សថៃរួបរួមជាតិ (UTN) របស់លោកនាយករដ្ឋមន្ត្រី ប្រាយុទ្ធ ចាន់អូចា ស្ថិតក្នុងសំឡេងគាំទ្រតិចមែនទែន ប៉ុន្តែការរាប់សន្លឹកឆ្នោតនៅតែបន្តបូកសរុប ខណៈលទ្ធផលក្រៅផ្លូវការរំពឹងថា នឹងប្រកាសបណ្ដើរៗ ចាប់ពីម៉ោងប្រហែល ១១ យប់នេះទៅ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ មេទ័ពជើងគោក ថៃ ស្នើលុបពាក្យ “រដ្ឋប្រហារ” ចេញពីវចនានុក្រមកងទ័ព

ចុចអាន ៖ ថៃ ហាមមិនឲ្យលក់គ្រឿងស្រវឹង ចាប់ពីម៉ោង ៦ ល្ងាចនេះដល់ចប់បោះឆ្នោត