ព័ត៌មានអន្ដរជាតិ
អង់គ្លេស បញ្ជូនទ័ពជាង ១៥០០នាក់ ទៅមាត់ទ្វាររុស្ស៊ី ដើម្បីកំញើញលោក ពូទីន
ក្រសួងការពារជាតិអង់គ្លេសនិយាយថា ទាហានរបស់ខ្លួនជាង១៥០០នាក់ នឹងចូលរួមជាមួយកងទ័ពរាប់ពាន់នាក់ទៀត មកពីបណ្តាប្រទេសពាក់ព័ន្ធ ក្នុងសមយុទ្ធណាតូដ៏សំខាន់នៅប្រទេសអេស្តូនី ដែលស្ថិតនៅជាប់រុស្ស៊ី។
“ព្យុះនិទាឃរដូវ” គឺជាសមយុទ្ធយោធាប្រចាំឆ្នាំដ៏ធំបំផុត មានការចូលរួមពីសំណាក់ក្រុមប្រយុទ្ធក្នុងសមរភូមិរបស់អង្គការណាតូ ដែលដឹកនាំដោយចក្រភពអង់គ្លេស។
យោធាប្រហែល១៤០០០នាក់ នឹងចូលរួមមកពីប្រទេសចំនួន១១របស់អង្គការណាតូ ខណៈនេះជាលើកដំបូងហើយ ដែលចក្រភពអង់គ្លេស ដាក់ពង្រាយកងទ័ពទ្រង់ទ្រាយធំបែបនេះ ទៅកាន់ប្រទេសអេស្តូនី។
ក្នុងសមយុទ្ធនេះ កងទ័ពជើងគោកនឹងធ្វើតេស្តលើសេណារីយ៉ូសមរភូមិ រួមទាំងការវាយលុកលើលេណដ្ឋាន បេសកកម្មឈ្លបយកការណ៍ និងយុទ្ធសាស្ត្រថ្មើរជើងផងដែរ។
រដ្ឋមន្ត្រីការពារជាតិអង់គ្លេស លោក Ben Wallace និយាយថា “ទាហានអង់គ្លេសរាប់ពាន់នាក់ មកពីទូទាំងកងកម្លាំងប្រដាប់អាវុធ នឹងហ្វឹកហាត់ម្តងទៀតជាមួយបុគ្គលិកមកពីប្រទេសចំនួន១១របស់អង្គការណាតូ ដោយបង្ហាញពីភាពរឹងមាំនៃអន្តរប្រតិបត្តិការរបស់យើងជាមួយបណ្តាប្រទេសជាដៃគូ និងការប្តេជ្ញាចិត្តរួមគ្នារបស់យើងចំពោះសម្ព័ន្ធភាពណាតូ”។
លោកសង្កត់ធ្ងន់ថា “ស្របពេលកងទ័ពរុស្ស៊ី បន្តការលុកលុយខុសច្បាប់របស់ពួកគេទៅលើអ៊ុយក្រែនដោយគំរាមកំហែងដល់ស្ថិរភាពនៅអឺរ៉ុបនោះ, ចក្រភពអង់គ្លេស និងសម្ព័ន្ធមិត្តរបស់យើង នឹងបន្តគាំទ្រអ៊ុយក្រែន ហើយការពារតម្លៃរួម និងសេរីភាពរបស់យើង”។
គួរបញ្ជាក់ថា “ព្យុះនិទាឃរដូវ” គឺជាសមយុទ្ធយោធាប្រចាំឆ្នាំដ៏ធំបំផុតមួយ ដែលមានរយៈពេល២សប្តាហ៍ ហើយសមយុទ្ធឆ្នាំនេះ នឹងចាប់ផ្តើមនៅចុងខែឧសភា៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ណាតូ ប្រកាសធ្វើសមយុទ្ធដែនអាកាស ទ្រង់ទ្រាយធំបំផុតក្នុងប្រវត្តិសាស្រ្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ