ព័ត៌មានអន្ដរជាតិ
វៀតណាម ចង់យកពន្ធពិសេសលើក្រុមហ៊ុនផលិតហ្គេមអនឡាញ ដើម្បីកុំឲ្យយុវវ័យញៀនលេងពេក
ក្រសួងហិរញវត្ថុវៀតណាម ចង់យកពន្ធពិសេសលើអ្នកផលិតហ្គេមអនឡាញ ដោយសារតែហានិភ័យនៃការញៀនលេងហ្គេម និងផលប៉ះពាល់អវិជ្ជមានដល់សុខភាព ។
បន្ទាប់ពីពិគ្រោះជាមួយសាធារណជន និងស្ថាប័នរដ្ឋាភិបាលផ្សេងទៀត, ក្រសួងហិរញ្ញវត្ថុទទួលបានសំឡេងគាំទ្រ ៩០ ភាគរយសម្រាប់សំណើយកពន្ធមួយនេះ ខណៈ ១០ ភាគរយទៀតបានបដិសេដ និងស្នើឲ្យរិះរកវិធានការផ្សេង ។
ចំពោះក្រសួងសុខាភិបាលវៀតណាម និងវិទ្យាស្ថានជាតិសុខភាពផ្លូវចិត្តនៅមន្ទីរពេទ្យ Bach Mai ក៏គាំទ្រចំពោះការយកពន្ធនេះផងដែរ ដោយអះអាងថា ការលេងហ្គេមអនឡាញអាចជះឥទ្ធិពលអវិជ្ជមានដល់ស្ថានភាពផ្លូវកាយ និងផ្លូវចិត្តរបស់អ្នកលេងហ្គេម ជាពិសេសយុវវ័យតែម្តង ។
ដោយឡែក ចំពោះក្រសួងមួយចំនួនទៀត រួមមានក្រសួងព័ត៌មាន និងទំនាក់ទំនង , ក្រុមហ៊ុនបង្កើតហ្គេមអនឡាញ VNG, សមាគមកីឡាកម្សាន្ត និងអេឡិចត្រូនិកវៀតណាមជាដើម គឺមិនគាំទ្រចំណាត់ការនេះឡើយ ព្រោះអាចនាំឲ្យប៉ះពាល់ដល់សេដ្ឋកិច្ច ពោលពន្ធទាំងនេះនឹងជំរុញឲ្យក្រុមហ៊ុនហ្គេមអនឡាញក្នុងប្រទេសមិនសប្បាយចិត្ត ក៏ដូចជាអាចប្តូរទីតាំងផលិតទៅកាន់ប្រទេសផ្សេង ។
តាមរយៈតួលេខ អ្នកញៀនហ្គេមនៅវៀតណាមគឺមានជាង ៨.៥ ភាគរយ ក្នុងចំណោមនោះមាន ១២ ភាគរយទទួលរងជំងឺធ្លាក់ទឹកចិត្ត, ១៣.៥ ភាគរយមានការថប់បារម្ភ និង ១៧ ភាគរយមានជំងឺស្ត្រេស ។ ទន្ទឹមនឹងនេះ អ្នកញៀនហ្គេម គឺមានទំនាក់ទំនងទាបមែនទែនជាមួយអ្នកដទៃដល់ ២២ ភាគរយ ខណៈ ១៨ ភាគរយមិនសូវមានទំនាក់ទំនងក្នុងសង្គម ហើយអ្នកលេង ១៦ ភាគរយទៀតមានបញ្ហាក្នុងការគេង ។
បើយោងតាមក្រសួងហិរញ្ញវត្ថុបានឲ្យដឹងថា ការផលិតហ្គេមអនឡាញនៅក្នុងប្រទេសវៀតណាម បានជួយបង្កើនប្រាក់ចំណូលជាង ៣២៣ លានដុលា្លរក្នុងឆ្នាំ ២០១៩ ហើយបានកើនឡើងដល់ ៥១១ លានដុល្លារកាលពីឆ្នាំមុន ៕
ប្រែសម្រួល ៖ នាង រតនៈ
ប្រភព ៖ VN Express
ចុចអាន ៖ វៀតណាម ជួបគ្រោះរាំងស្ងួតធ្ងន់ ខណៈអាងស្តុកទឹកដ៏ធំប្រេះដីបែកក្រហែង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង