ព័ត៌មានអន្ដរជាតិ

វៀតណាម ជួបគ្រោះរាំងស្ងួតធ្ងន់ ខណៈអាងស្តុកទឹកដ៏ធំប្រេះដីបែកក្រហែង

បានផុស

៣ years មុន

នៅ

ថ្ងៃចន្ទ ១៥ ឧសភា ២០២៣

ដោយ

គ្រោះរាំងស្ងួតអូសបន្លាយពេលយូរបានធ្វើឲ្យអាងស្តុកទឹក Tri An ដ៏ធំនៅវៀតណាម នាភាគខាងត្បូងខេត្ត Dong Nai ប្រែជាស្ងួត និងមានស្នាមដីប្រេះលើកដំបូងក្នុងរយៈពេល ១២ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាងស្តុកទឹកនេះគឺសម្រាប់បម្រើដល់រោងចក្រវារីអគ្គិសនី Tri An ដែលបានបើកដំណើរការក្នុងឆ្នាំ ១៩៩១ និងជាអាងដ៏ធំបំផុតនៅភាគខាងត្បូងប្រទេសវៀតណាមផងដែរ។

ទោះយ៉ាងណា អាងស្តុកទឹករួមជាមួយនឹងឧទ្យានជាតិ Nam Cat Tien គឺជាផ្នែកមួយនៃបំរុងជីវមណ្ឌល Dong Nai ខណៈអាងស្តុកទឹកដែលមានទំហំ៣២.០០០ហិចតាបានរីងស្ងួតអស់ជាច្រើនថ្ងៃមកហើយ។ លើសពីនេះទៀត ទូកនេសាទមួយក្នុងចំណោមទូកនេសាទជាច្រើនត្រូវបានគេទុកចោលនៅលើដីប្រេះបែកនៃអាងស្តុកទឹកក្នុងស្រុក Vinh Cuu ហើយអាងស្តុកទឹកពេញមួយនេះ ធ្លាប់ជាកន្លែងនេសាទសម្រាប់រាប់រយគ្រួសារក្នុងតំបន់។

លោក Van ជាអ្នកនេសាទធម្មតានៅក្រុង Tri An បាននិយាយថា កម្ដៅដ៏ក្ដៅខ្លាំងធ្វើឲ្យការងាររបស់គាត់លំបាក។ លោកបានបន្តថា “ទឹកស្រករាល់ឆ្នាំ ប៉ុន្តែវាធ្លាក់ចុះទាបណាស់នៅឆ្នាំនេះ ធម្មតាខ្ញុំចាប់ត្រីបាន ១០ គីឡូក្រាមក្នុងមួយថ្ងៃ ប៉ុន្តែឥឡូវរកបានតែ ២ ទៅ ៤ ក្បាលប៉ុណ្ណោះក្នុងមួយក្បាលលក់បាន ៦ ម៉ឺនដុង”។

យោងតាមក្រុមហ៊ុនវារីអគ្គិសនី Tri An បានបញ្ចាក់ថា កម្រិតទឹកធ្លាក់ចុះទាបបំផុតក្នុងរយៈពេល ១២ ឆ្នាំមកនេះ គឺនៅប្រហែល ៥០ ម៉ែត្រ ស្របពេលដែលភ្លៀងធ្លាក់ប៉ុន្មានថ្ងៃថ្មីៗនេះបានជួយកម្រិតនេះឡើងដល់៥១ម៉ែត្រប៉ុណ្ណោះ៕