ព័ត៌មានអន្ដរជាតិ
លោក Kissinger ថា ដោយសារ វៀតណាម ទើប អាមេរិក ទម្លាក់គ្រាប់បែកមកលើ កម្ពុជា
មិនត្រឹមតែរស់នៅគេចវេសពីសំណួរចាក់ដោត និងនិយាយកុហកអំពីតួនាទីក្នុងព្រឹត្តិការណ៍ទម្លាក់គ្រាប់បែករបស់សហរដ្ឋអាមេរិកមកលើទឹកដីនៃប្រទេសកម្ពុជាប៉ុណ្ណោះទេ ប៉ុន្តែលោក Henry Kissinger ដែលជាអ្នកបញ្ជាឲ្យមានសោកនាដកម្មមួយនេះ ថែមទាំងរស់នៅយ៉ាងសុខស្រួលដោយមិនជាប់ទោសពៃអ្វីឡើយក្នុងរយៈពេល ៥ ទសវត្សរ៍កន្លងមកនេះ ។
ទន្ទឹមនោះ លោក Kissinger និងមនុស្សជំនិតរបស់លោក បែរជាមកដាក់បន្ទុក និងស្ដីបន្ទោសចំពោះអំពើដ៏ឃោរឃៅមួយនេះ ទៅលើកងទ័ពវៀតណាមខាងជើង និងទ័ពព្រៃវៀតណាមខាងត្បូងជំនួសវិញ ដោយលើកហេតុផលថា ពួកគេបានប្រើប្រទេសកម្ពុជា ជាមូលដ្ឋាន និងជាមជ្ឈមណ្ឌលដឹកជញ្ជូន ទើបក្លាយជាគោលដៅទម្លាក់គ្រាប់បែករបស់អាមេរិកបែបនេះ ។
លោក Peter Rodman អតីតជំនួយការរបស់លោក Kissinger បានសរសេរថា “អ្វីដែលធ្វើឲ្យកម្ពុជាអស្ថិរភាពនោះ គឺដោយសារតែការកាន់កាប់របស់វៀតណាមខាងជើងលើទឹកដីកម្ពុជា ចាប់ពីឆ្នាំ ១៩៦៥ មក ។ នៅពេលនោះ ការវាយប្រហារដោយការទម្លាក់គ្រាប់បែករបស់អាមេរិកមកមកលើភូមិមួយចំនួនរបស់កម្ពុជា និងបានសម្លាប់ជនស៊ីវិលជាច្រើននាក់ គឺជារឿងចៃដន្យ” ។
អតីតជំនួយការរបស់លោក Kissinger រូបនេះបង្ហើបឲ្យដឹងទៀតថា ចន្លោះឆ្នាំ ១៩៦២ និង ១៩៦៩ រដ្ឋាភិបាលកម្ពុជាបានកត់ត្រាការវាយប្រហារតាមព្រំដែនដីគោកពីសំណាក់កងកម្លាំងអាមេរិកចំនួន ១,៨៦៤ លើក; វាយប្រហារតាមដែនអាកាសដោយអាមេរិក និងទ័ពវៀតណាមខាងត្បូងចំនួន ៦,១៤៩ លើក ដោយបណ្ដាលឲ្យជនស៊ីវិលជិត ១ ពាន់នាក់រងរបួស និង ១៥ ម៉ឺននាក់បាត់បង់ជីវិត ។
គួរបញ្ជាក់ថា ចាប់តាំងពីឆ្នាំ ១៩៦៥ ដល់ឆ្នាំ ១៩៧៣ សហរដ្ឋអាមេរិកបានទម្លាក់គ្រាប់បែកមកលើទឹកដីនៃប្រទេសកម្ពុជាជាង ២៣១,០០០ លើក ហើយចន្លោះឆ្នាំ ១៩៦៩ និងឆ្នាំ ១៩៧៣ ពោលអំឡុងពេលដែលលោក Kissinger ជាទីប្រឹក្សាសន្តិសុខជាតិ យន្តហោះរបស់សហរដ្ឋអាមេរិកបានទម្លាក់គ្រាប់បែកសរុប ៥០ ម៉ឺនតោន ឬច្រើនជាងនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Madras Tribune
ចុចអាន ៖ លោក Kissinger តែងតែគេចសំណួរ និងនិយាយកុហកអំពីការទម្លាក់គ្រាប់បែករបស់ អាមេរិក មកលើ កម្ពុជា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ