ព័ត៌មានអន្ដរជាតិ
សភាអាមេរិក យល់ព្រម ដំឡើងកម្រិតបំណុល
សភាតំណាងរាស្រ្តអាមេរិក បានអនុម័តលើសេចក្តីព្រាងច្បាប់មួយ ដើម្បីបង្កើនកម្រិតបំណុលនៅថ្ងៃព្រហស្បតិ៍ទី១ខែមិថុនានេះ ពោលគឺប៉ុន្មានថ្ងៃ មុនកាលបរិច្ឆេទកំណត់ ដើម្បីបញ្ចៀសវិបត្តិបំណុលសាធារណៈ។
សមាជិកគណបក្សសាធារណរដ្ឋចំនួន១៤៩រូប និងគណបក្សប្រជាធិបតេយ្យចំនួន១៦៥រូប បានបោះឆ្នោតគាំទ្រច្បាប់នេះ ខណៈអ្នកសាធារណរដ្ឋ៧១រូប និងអ្នកប្រជាធិបតេយ្យ៤៦រូប បានបោះឆ្នោតប្រឆាំង។
ការបោះឆ្នោតនេះកើតឡើង បន្ទាប់ពីរដ្ឋលេខាធិការក្រសួងរតនាគារ លោកស្រី Janet Yellen បានព្រមានកាលពីថ្ងៃសុក្រសប្តាហ៍មុនថា រដ្ឋាភិបាលអាចអស់សាច់ប្រាក់ ដើម្បីទូទាត់វិក្កយបត្ររបស់ខ្លួនត្រឹមថ្ងៃទី៥ខែមិថុនា។
ពេលនោះ លោកស្រី Yellen បានប្រាប់ប្រធានសភាលោក Kevin McCarthy ថា ក្រសួងរតនាគារ នឹងមិនមានធនធានគ្រប់គ្រាន់ដើម្បីបំពេញកាតព្វកិច្ចរបស់រដ្ឋាភិបាលនោះទេ ប្រសិនបើសភាមិនដំឡើង ឬព្យួរដែនកំណត់បំណុលត្រឹមថ្ងៃទី៥ ខែមិថុនា ហើយបើសភាបរាជ័យក្នុងការបង្កើនកម្រិតបំណុល វានឹងបង្កឲ្យមានការលំបាកធ្ងន់ធ្ងរដល់អាមេរិកទាំងមូល ធ្វើឲ្យប៉ះពាល់ដល់តំណែងដឹកនាំសកលរបស់ប្រទេស និងបង្កើតជាចម្ងល់ចំពោះសមត្ថភាពរបស់អាមេរិកជាដើម ។
ពាក់ព័ន្ធនឹងបញ្ហានេះដែរ លោកប្រធានាធិបតី Joe Biden ធ្លាប់លើកឡើងជាយូរមកហើយថា សមាជិកសភាគួរតែបង្កើនដែនកំណត់បំណុលចំនួន ៣១.៤ ទ្រីលានដុល្លារតាមរយៈវិក្កយប័ត្រផ្សេងៗ ប៉ុន្តែអ្នកសាធារណរដ្ឋដែលគ្រប់គ្រងក្នុងសភាមិនបានធ្វើដូច្នេះនោះទេ។
ការពិតដែនកំណត់នៃកម្ចីប្រាក់ បានដល់ពេលកំណត់តាំងតែពីខែមករាមកម្ល៉េះ ប៉ុន្តែក្រសួងរតនាគារបានចាត់វិធានការដើម្បីធានាថា សហរដ្ឋអាមេរិកនៅតែបន្តបង់វិក្កយបត្ររបស់ខ្លួនបាន៕
ប្រែសម្រួល៖ Vann Vann
ប្រភព៖ RT
ចុចអាន៖ ក្រសួងរតនាគារ អាមេរិក ព្រមានថា ប្រទេសនឹងអស់លុយនៅខែក្រោយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង