សោកនាដកម្មលិចទូកជនចំណាកស្រុកនៅក្រិក ស្លាប់មនុស្ស៧៩នាក់

មនុស្សចំនួន៧៩នាក់បានស្លាប់ និងជាង១០០នាក់ត្រូវបានជួយសង្គ្រោះ បន្ទាប់ពីទូកដឹកជនចំណាកស្រុក លិចនៅឆ្នេរសមុទ្រភាគខាងត្បូង ប្រទេសក្រិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលនិយាយថា នេះគឺជាសោកនាដកម្មជនចំណាកស្រុក ធំបំផុតមួយរបស់ប្រទេសក្រិក ហើយបានប្រកាសកាន់ទុក្ខរយៈពេលបីថ្ងៃ។

ទូក បានលិចនៅចម្ងាយប្រហែល៨០គីឡូម៉ែត្រ ភាគនិរតីនៃទីក្រុង Pylos បន្ទាប់ពីឆ្មាំឆ្នេរសមុទ្រនិយាយថា ទូកនោះបានបដិសេធជំនួយ។

ឆ្មាំសមុទ្រនិយាយថា ទូកត្រូវបានយន្តហោះរបស់ទីភ្នាក់ងារព្រំដែនសហភាពអឺរ៉ុប Frontex ប្រទះឃើញនៅក្នុងដែនទឹកអន្តរជាតិ កាលពីល្ងាចថ្ងៃអង្គារទី១៣ខែមិថុនា។ យ៉ាងណាក្តី គ្មាន​អ្នក​ណា​ម្នាក់​នៅ​លើទូក មាន​ពាក់​អាវពោងការពារ​ជីវិតនោះ​ទេ។

ដោយដកស្រង់ប្រភពពីក្រសួងដឹកជញ្ជូន បណ្តាញផ្សព្វផ្សាយសាធារណៈក្រិក ERT និយាយថា អាជ្ញាធរបានទាក់ទងជាមួយទូកតាមរយៈផ្កាយរណបជាច្រើនលើកច្រើនសា ហើយសុំផ្តល់ជំនួយ ប៉ុន្តែពួកគេមិនព្រមក្រៅពីការចង់បន្តដំណើរទៅកាន់ប្រទេសអ៊ីតាលី។

ប៉ុន្មានម៉ោងក្រោយមក ទូកត្រូវបានគេដឹងថា មានបញ្ហាម៉ាស៊ីន រួចក៏លិចបន្តិចម្តងៗ។ ប្រតិបត្តិការស្វែងរក និងជួយសង្គ្រោះ បានចាប់ផ្តើម ប៉ុន្តែត្រូវរំខានដោយសារខ្យល់បក់ខ្លាំង។

គួរបញ្ជាក់ថា ទូក​នេះ​ ត្រូវ​បាន​គេអះអាងថា ​ធ្វើ​ដំណើរ​ចេញពី​ប្រទេស​លីប៊ី​ ទៅ​​អ៊ីតាលី ខណៈមនុស្សដែលជិះក្នុងនោះ ភាគច្រើនជាបុរស​វ័យ​២០​ឆ្នាំ៕

ប្រែសម្រួល៖ Vann Vann

ប្រភព៖ BBC

ចុចអាន៖ លិចទូកដ ដឹកភ្ញៀវមកពីពិធីមង្គលការ ស្លាប់មនុស្ស ១០០នាក់ នៅនីហ្សេរីយ៉ា