ដឹងទេ រដ្ឋមន្ត្រីការបរទេស អាមេរិក រូបណាធ្វើដំណើរទៅ ចិន មុនលោក Blinken

រដ្ឋមន្ត្រីការបរទេសអាមេរិក លោក Antony Blinken បានធ្វើដំណើរទស្សនកិច្ចជាលើកដំបូងទៅកាន់ប្រទេសចិនកាលពីថ្ងៃអាទិត្យ ហើយលោកក៏បានក្លាយជាមន្ត្រីការទូតជាន់ខ្ពស់អាមេរិកដំបូងគេផងដែរ ដែលអញ្ជើញទៅទីក្រុងប៉េកាំងក្នុងរយៈពេលជិត ៥ ឆ្នាំមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Blinken គឺជារដ្ឋមន្ត្រីការបរទេសដំបូងគេដែលអញ្ជើញទៅបំពេញទស្សនកិច្ចនៅចិន បន្ទាប់ពីលោក Mike Pompeo ដែលហោះហើរទៅកាន់ប្រទេសមួយនេះក្នុងឆ្នាំ ២០១៨ ចំពេលមានសង្រ្គាមពាណិជ្ជកម្មរវាងប្រធានាធិបតី Donald Trump ជាមួយទីក្រុងប៉េកាំង ។

ដើមឡើយលោក Blinken គ្រោងនឹងទៅបំពេញទស្សនកិច្ចនៅប្រទេសចិនក្នុងខែកុម្ភៈ ប៉ុន្តែការធ្វើដំណើររបស់លោកត្រូវបានពន្យារពេលវិញ បន្ទាប់ពីសហរដ្ឋអាមេរិកបានបាញ់ទម្លាក់បាឡុងចារកម្មចិន ដែលហោះហើរលើទឹកដីសហរដ្ឋអាមេរិក និងត្រូវបានចោទប្រកាន់ថា កំពុងប្រមូលយកព័ត៌មានសម្ងាត់នៅលើទីតាំងយោធារបស់អាមេរិក ។

គួរបញ្ជាក់ថា អំឡុងពេលបំពេញទស្សនកិច្ចរយៈពេល ២ ថ្ងៃនៅប្រទេសចិន លោក Blinken បានជួបពិភាក្សាការងារជាមួយរដ្ឋមន្ត្រីការបរទេសចិនលោក Qin Gang, មន្ត្រីគោលនយោបាយការបរទេសជាន់ខ្ពស់បំផុតរបស់ចិន លោក Wang Yi និងលោកប្រធានាធិបតី Xi Jinping ផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ចិន ឲ្យអាមេរិក ជ្រើសរើសទៅ ថាតើ យកកិច្ចសហប្រតិបត្តិការ ឬជម្លោះ