ព័ត៌មានអន្ដរជាតិ
លោក ពូទីន ផ្តល់ជម្រើស២ ឲ្យទាហានស៊ីឈ្នួលដែលចូលរួមក្នុងការបះបោរ
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានផ្តល់ជម្រើស២ ដល់ទាហាននៃក្រុមហ៊ុនយោធាឯកជន Wagner ដែលចូលរួមក្នុងការបះបោរប្រដាប់អាវុធកាលពីថ្ងៃសៅរ៍ទី២៤ខែមិថុនា។
មេដឹកនាំរុស្ស៊ីបាននិយាយតាមទូរទស្សន៍ថា ជម្រើសទី១ ពួកគេអាចចុះកិច្ចសន្យាជាមួយក្រសួងការពារជាតិរុស្ស៊ីឬភ្នាក់ងារសន្តិសុខផ្សេងទៀត រីឯជម្រើសទី២ ពួកគេអាចត្រលប់ទៅផ្ទះឬផ្លាស់ទៅប្រទេសបេឡារុសដែលនៅជិតខាង។
លោក ពូទីន បាននិយាយក្នុងសុន្ទរកថាកាលពីយប់ថ្ងៃចន្ទថា “យុទ្ធជននិងមេបញ្ជាការនៃក្រុម Wagner ដ៏ច្រើនលើសលប់ ក៏ជាអ្នកស្នេហាជាតិរុស្ស៊ី ដែលបានលះបង់ដើម្បីប្រជាជន និងប្រទេសរបស់ពួកគេដែរ។ ពួកគេបានបង្ហាញពីភាពក្លាហាន នៅលើសមរភូមិ។ អ្នករៀបចំការបះបោរ បានទុកពួកគេនៅក្នុងទីងងឹត ហើយព្យាយាមប្រើពួកគេ ប្រឆាំងនឹងបងប្អូនដែលបានប្រកៀកស្មាគ្នាប្រយុទ្ធ ដើម្បីប្រយោជន៍ដល់ប្រទេសជាតិ និងអនាគតរបស់ខ្លួន”។
ស្របពេលជាមួយគ្នានោះ មេដឹកនាំរុស្ស៊ីបានថ្លែងអំណរគុណដល់ទាហាននិងមេបញ្ជាការក្រុម Wagner ដែលឈប់នៅខ្សែត្រៀមចុងក្រោយ ហើយមិនអនុញ្ញាតឲ្យការបង្ហូរឈាមដោយប្រយោលកើតឡើង។
សូមរម្លឹកឡើងវិញថា កាលពីថ្ងៃសៅរ៍ ក្រុម Wagner បានចាប់ផ្តើមការបះបោរដ៏ធំមួយ តាមបញ្ជារបស់ប្រធាន Evgeny Prigozhin។ កងទ័ពបានដណ្តើមកាន់កាប់ទីស្នាក់ការកណ្តាលនៃស្រុកខាងត្បូងរបស់យោធារុស្ស៊ីក្នុងទីក្រុង Rostov-on-Don ហើយឆ្ពោះដំណើរទៅមូស្គូ។
ក្រោយមក ការបះបោរបានបញ្ឈប់ខណៈលោក Prigozhin ប្រកាសថាក្រុមទាហានរបស់គាត់ នឹងវិលត្រលប់ទៅជំរំរបស់ពួកគេវិញ បន្ទាប់ពីកិច្ចពិភាក្សាជាមួយប្រធានាធិបតីបេឡារុសលោក Alexander Lukashenko។
ទន្ទឹមនោះ អ្នកនាំពាក្យវិមានក្រឹមឡាំងលោក Dmitry Peskov គូសបញ្ជាក់ថា សំណុំរឿងព្រហ្មទណ្ឌប្រឆាំងលោក Prigozhin នឹងត្រូវដកចេញ ហើយក្រុមអ្នកប្រយុទ្ធ Wagner ដែលចូលរួមក្នុងការបះបោរនោះ ក៏ចៀសផុតការកាត់ទោសផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ មេក្រុមទាហានស៊ីឈ្នួលរុស្ស៊ី៖ ពីចុងភៅដ៏ទុកចិត្តរបស់លោកពូទីន ក្លាយជាអ្នកប៉ុនប៉ងធ្វើរដ្ឋប្រហារ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ