ស្ត្រីម្នាក់ដាច់ជើង ព្រោះជាប់នឹងជណ្ដើរយន្តនៅអាកាសយានដ្ឋានប្រទេសថៃ

កាលពីថ្ងៃព្រហស្បតិ៍ ទី ២៩ ខែមិថុនា ឆ្នាំ ២០២៣ មានស្ត្រីម្នាក់បានជំពប់ជើងដួលជាមួយវ៉ាលិសរបស់នាង ហើយជាប់ជើងនឹងជណ្ដើរយន្តដែលកំពុងដំណើរការ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្លាមៗនោះបុគ្គលិកពេទ្យនាំគ្នាប្រញាប់ប្រញាល់ទៅសង្គ្រោះនាង និងនាំទៅពេទ្យជិតៗដើម្បីកាត់ជើងឆ្វេងចោលជាបន្ទាន់ ។ ហេតុការណ៍ខាងលើកើតឡើងនៅវេលាម៉ោង ៨ និង ៣០ នាទីព្រឹក ក្នុងព្រលានយន្តហោះ Don Mueang នៃទីក្រុងបាងកក ។

បន្ទាប់ពីឧបទ្ទវហេតុដ៏រន្ធត់ខាងលើ ព្រលានយន្តហោះ Don Mueang បានបិទផ្លូវជណ្ដើរយន្តជាបណ្ដោះអាសន្នដើម្បីធ្វើការស៊ើបអង្កេតជុំវិញករណីនេះ ។

លោក Karant Thanakuljeerapat អ្នកគ្រប់គ្រងទូទៅនៃព្រលានយន្តហោះ បានឲ្យដឹងថា គេត្រួតពិនិត្យជណ្ដើរយន្តជារៀងរាល់ថ្ងៃ ចំណែកឯជណ្ដើរយន្តដែលមានបញ្ហាគឺទើបតែដាក់ឲ្យប្រើប្រាស់នៅថ្ងៃតែមួយទៀតផង ។

គួរបញ្ជាក់ថា ផ្លូវជណ្ដើរយន្តរបស់ព្រលានយន្តហោះ Don Mueang បានដំឡើងដោយក្រុមហ៊ុន Hitachi ទាំង ២០ ខ្សែ ក្នុងឆ្នាំ ១៩៩៦ និងទទួលការថែទាំជាប្រចាំចៀសវាងបញ្ហាបច្ចេកទេស ៕

ប្រែសម្រួល៖ វារី

ប្រភព៖ vnexpress

ចុចអាន៖ ទម្លាយអត្តសញ្ញាណបុរសដែលលោតចូលម៉ាស៊ីនយន្តហោះ នៅសហរដ្ឋអាមេរិក