ព័ត៌មានអន្ដរជាតិ
អ៊ុយក្រែន ពង្រឹងកម្លាំងការពារព្រំដែនភាគខាងជើង ក្រោយក្រុមទាហានស៊ីឈ្នួលមកកៀកៗហើយ
ប្រធានាធិបតីអ៊ុយក្រែនលោក Volodymyr Zelensky បានបញ្ជាឲ្យមេបញ្ជាការយោធាពង្រឹងកម្លាំងការពារនៅភាគខាងជើង បន្ទាប់ពីមេដឹកនាំក្រុមទាហានស៊ីឈ្នួល Wagner Group លោក Yevgeny Prigozhin កំពុងនៅក្នុងប្រទេសបេឡារុស ដែលនៅជាប់ខាងគ្នា ។
លោក Zelensky បាននិយាយតាមរយៈប្រព័ន្ធផ្សព្វផ្សាយសង្គម ក្នុងកិច្ចប្រជុំមួយកាលពីថ្ងៃសុក្រថា លោកបានសម្រេចចិត្តបញ្ជាឲ្យមេដឹកនាំយាធាកំពូលៗ រួមទាំងអគ្គមេបញ្ជាការលោក Valerii Zaluzhnyi ផងដែរ បញ្ចេញកម្លាំងតាមអង្គភាព ដើម្បីពង្រឹងការការពារនៅព្រំដែនភាគខាងជើង ។
ជាក់ស្តែងអ៊ុយក្រែនមានការប្រុងប្រយ័ត្នខ្ពស់ចំពោះយុទ្ធជនរបស់ក្រុមទាហានស៊ីឈ្នួលដែលអាចចល័តទីតាំងណាមួយនៅក្នុងប្រទេសបេឡារុសដែលមកកៀកៗអ៊ុយក្រែន បន្ទាប់ពីការបះបោរប្រដាប់អាវុធដែលដឹកនាំដោយលោក Prigozhin ត្រូវបរាជ័យនៅក្នុងប្រទេសរុស្ស៊ី ស្របពេលដែលរបាយការណ៍ប្រព័ន្ធផ្សព្វផ្សាយបាននិយាយថា ជំរំថ្មីសម្រាប់កងទ័ព Wagner Group កំពុងត្រូវបានសាងសង់នៅក្នុងប្រទេសបេឡារុស ។
គួរបញ្ជាក់ថា បច្ចុប្បន្នមេក្រុមទាហានស៊ីឈ្នួល Wagner Group លោក Yevgeny Prigozhin កំពុងស្ថិតនៅក្នុងប្រទេសបេឡារុស បន្ទាប់ពីសម្រេចដកទ័ពចេញពីរុស្ស៊ី ក្រោយមានកិច្ចសម្របសម្រួលពីលោក Alexander Lukashenko ដែលបានចរចារកដំណោះស្រាយជាមួយលោក ពូទីន រួចមក ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ តើលោក Putin ប្រើយុទ្ធសាស្ត្រអ្វី ទើបបញ្ចប់ការបះបោរប្រដាប់អាវុធរបស់ទាហានស៊ីឈ្នួល?
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង