លោក ស៊ី ជីនពីង ឲ្យយោធាបង្កើនសមត្ថភាពប្រយុទ្ធដើម្បីធានាជ័យជម្នះ​ក្នុងជម្លោះ

ប្រធានាធិបតីចិនលោក ស៊ី ជីនពីង បានអំពាវនាវឲ្យយោធាបង្កើនសមត្ថភាពក្នុងការប្រយុទ្ធដើម្បីធានាជ័យជម្នះក្នុងជម្លោះណាមួយ ខណៈក្រុមអ្នកវិភាគមើលឃើញថា នេះគឺជាបំណងរបស់លោក ស៊ី សម្រាប់ការបង្រួបបង្រួមជាមួយតៃវ៉ាន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ី បានថ្លែងទៅកាន់សមាជិកនៃកងទ័ពរំដោះប្រជាជនថា បញ្ជាការដ្ឋានភូមិភាគខាងកើតដែលកំពុងគ្របដណ្ដប់លើសមុទ្រខាងកើត និងច្រកសមុទ្រតៃវ៉ាន់ បានរួមចំណែកយ៉ាងសំខាន់ក្នុងការការពារអធិបតេយ្យភាពទឹកដី សិទ្ធិ និងសេរីភាពផលប្រយោជន៍ដែនសមុទ្រ ក៏ដូចជាឯកភាពជាតិរបស់ប្រទេសចិន ។

ទន្ទឹមនោះ លោកក៏បានជំរុញឲ្យយោធាពង្រឹងប្រព័ន្ធបទបញ្ជាសម្រាប់ប្រតិបត្តិការរួមគ្នា និងបង្កើនការហ្វឹកហ្វឺនក្រោមលក្ខខណ្ឌប្រយុទ្ធពិតៗ ខណៈការ​លើក​ឡើង​របស់​លោក ស៊ី ធ្វើ​ឡើង​ ស្រប​ពេល​ដែល​សហរដ្ឋ​អាមេរិក និង​ប្រទេស​ផ្សេង​ទៀត​កំពុង​បង្កើន​ការ​ចូល​រួម​ជាមួយ​តៃវ៉ាន់ ។

ពាក់ព័ន្ធនឹងបញ្ហានេះដែរ អ្នកវិភាគយល់ឃើញថា ទីបញ្ជាការដ្ឋានភូមិភាគខាងកើតបាននិងកំពុងបង្កើនសម្ពាធយោធាលើកោះតៃវ៉ាន់ ហើយក៏​បាន​ធ្វើ​សមយុទ្ធ​ទ្រង់ទ្រាយ​ធំ​​ក្នុង​តំបន់​ផងដែរ ដើម្បី​ឆ្លើយតប​នឹង​ដំណើរ​ទស្សនកិច្ច​របស់​ប្រធាន​សភា​អាមេរិកលោកស្រី Nancy Pelosi ទៅកាន់​ទីក្រុង​តៃប៉ិ​កាលពី​ខែសីហា​ឆ្នាំមុន​ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ចិន ព្រមានប្រទេសអាស៊ីចំនួន ២ ដែលព្យាយាមស្វែងរកទំនាក់ទំនងជិតស្និទ្ធ ជាមួយ អាមេរិក