ព័ត៌មានអន្ដរជាតិ
លោក Biden នឹងមិនលើកលែងទោសឲ្យកូនប្រុសដែលជាប់ពាក់ព័ន្ធបទឧក្រិដ្ឋពន្ធ និងកាំភ្លើងឡើយ
អ្នកនាំពាក្យសេតវិមានលោកស្រី Karine Jean-Pierre បាននិយាយកាលពីថ្ងៃព្រហស្បតិ៍ថា ប្រធានាធិបតីអាមេរិកលោក Joe Biden នឹងមិនលើកលែងទោសដល់កូនប្រុសរបស់គាត់ឈ្មោះ Hunter Biden ដែលកំពុងប្រឈមការចោទប្រកាន់ពីបទឧក្រិដ្ឋទាក់ទងនឹងពន្ធ និងអាវុធនោះទេ ។
ទន្ទឹមនោះ នៅពេលអ្នកសារព័ត៌មានចាក់សួរថាតើមានលទ្ធភាពដែរឬទេដែលលោក Biden អាចបញ្ចប់ការលើកលែងទោសដល់លោក Hunter Biden? លោកស្រី Jean-Pierre បានឆ្លើយថា “ទេ មិនមានការលើកលែងទោសដល់លោក Hunter Biden ឡើយ” ។
លោកស្រីបាននិយាយថា “ខ្ញុំនឹងមិននិយាយឲ្យលើសពីអ្វីដែលខ្ញុំបានចែករំលែកកាលពីពេលកន្លងមកនោះទេ នេះជាបញ្ហាផ្ទាល់ខ្លួនសម្រាប់លោក Hunter Biden ហើយដូចដែលអ្នកដឹងហើយ រឿងនេះគឺធ្វើតាមរបៀបឯករាជ្យដោយក្រសួងយុត្តិធម៌” ។
អ្នកនាំពាក្យសេតវិមានបញ្ជាក់ទៀតថា “លោក Biden និងជំទាវទីមួយ Jill Biden ស្រឡាញ់កូនរបស់គាត់ណាស់ ប៉ុន្តែបញ្ហានេះត្រូវបានដឹកនាំដោយរដ្ឋអាជ្ញាដែលតែងតាំងដោយលោក Donald Trump ដូច្នេះខ្ញុំគ្រាន់តែនឹងមិនធ្វើអត្ថាធិប្បាយលើសពីអ្វីដែលខ្ញុំបាននិយាយកាលពីថ្ងៃព្រហស្បតិ៍នោះទេ” ។
គួរបញ្ជាក់ថា លោក Hunter Biden បានខកខានក្នុងការបង់ប្រាក់ជាង ១ លានដុល្លារនៅក្នុងពន្ធសហព័ន្ធតាមកាលកំណត់កាលពីឆ្នាំ ២០១៧ និង ២០១៨ ខណៈចៅក្រមសហព័ន្ធអាមេរិកនៅទីក្រុង Wilmington រដ្ឋ Delaware កាលពីថ្ងៃពុធក៏បានច្រានចោលសេចក្ដីសុំអង្វររបស់លោក Hunter Biden ឲ្យមានការលើកលែងទោសលើបទចោទប្រកាន់ពាក់ព័ន្ធនឹងពន្ធនេះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik / The Guardian
ចុចអាន ៖ អាមេរិក បញ្ចុះបញ្ចូលប្រទេសមួយទៀត ឲ្យចូលរួមជាមួយ AUKUS
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង