ព័ត៌មានអន្ដរជាតិ

ប្រទះឃើញសត្វចម្លែកលើឆ្នេរខ្សាច់ប៉ាណាម៉ា ក្រោយទៅកៀក អ្នកទស្សនាហួសចិត្តគ្រប់គ្នា

បានផុស

៣ years មុន

នៅ

ថ្ងៃចន្ទ ៣១ កក្កដា ២០២៣

ដោយ

វីដេអូឃ្លិបមួយល្បីពេញពិភពអ៊ីនធឺណិត បន្ទាប់ពីអ្នកប្រើប្រាស់គណនី TikTok ម្នាក់ឈ្មោះ lost_ptyer បានចែករំលែកវីហេតុការណ៍ដ៏គួរឲ្យរន្ធត់នៅលើឆ្នេរខ្សាច់ ដោយថតជាប់សត្វចម្លែកមានរូបរាងពណ៌ខ្មៅ មើលទៅដូចជាអាថ៌កំបាំងអរូបី។

គេហទំព័រ thedodo រាយការណ៍ហេតុការណ៍ក្នុងឃ្លិប ដែលបានកើតឡើងនៅប្រទេសប៉ាណាម៉ា។ នារសៀលថ្ងៃមួយស្រ្តីម្នាក់ឈ្មោះ Brand Glaze កំពុងរីករាយនឹងការដើរលេងតាមឆ្នេរ ស្រាប់តែនាងងាកទៅដីខ្សាច់ឃើញវត្ថុមានជីវិតពណ៌ខ្មៅ។ ប៉ុន្តែពេលពង្រីកមើលឲ្យជិត ធ្វើឲ្យអ្នកទស្សនាសឹងតែគ្រប់គ្នាបែរហួសចិត្តនិងអស់សំណើចយ៉ាងខ្លាំង។

តាមពិតវាជាឆ្កែខ្មៅជារបស់ Glaze ដែលអោនចុះលេងខ្សាច់នៅឆ្នេរ ហើយរោមរបស់វាសើមដោយទឹកសមុទ្រ និងប្រឡាក់ដោយខ្សាច់ ទើបធ្វើឲ្យរូបរាងរបស់ឆ្កែប្រែជាសត្វចម្លែកគួរឲ្យភ័យខ្លាច។

@lost_ptyer
Se tildeo lola ? #comedia #dogsoftiktok #panama?? #beachdays
♬ original sound – Spanish for Everyday

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញម្ចាស់ឆ្កែក៏បានបង្ហើបថា Lolita ចូលចិត្តលេងនៅឆ្នេរ ហើយនាងមិនគិតថាឃ្លិបនេះនឹងក្លាយជាការបំភាន់ដែលមនុស្សជាច្រើនយល់ខុសនោះទេ។ “ខ្ញុំក៏ភ្ញាក់ផ្អើល ដែលឃើញមនុស្សចាប់អារម្មណ៍តាមឃ្លិបនេះ។ ខ្ញុំបានធ្វើឲ្យសហគមន៍ TikTok មានការភ័យខ្លាច ហើយខ្ញុំមិនដឹងថា ពួកគេភ័យខ្លាចប៉ុណ្ណាទេ”៕