លោក ភីថា ដាក់ ២ ឃ្លាយ៉ាងខ្លីទៅម្ចាស់ឆ្នោតថា “គ្មានការខកចិត្តឡើយ មានតែថាមពលខ្លាំងជាងមុន”

ក្រោយចូលសម្រាកព្យាបាលក្នុងមន្ទីរពេទ្យមួយរយៈ ដោយសារជំងឺគ្រុនផ្ដាសាយ ពេលនេះលោក ភីថា លីមចារើនរ៉ាត់ បានចេញសារបង្ហោះលើហ្វេសប៊ុកផ្ទាល់ខ្លួនរបស់លោកនៅវេលាម៉ោង ២ និង ៥៣ រសៀលម្សិលមិញ អមដោយរូបភាពនៃក្បួនឃោសនានោះថា គ្មានការខកចិត្តឡើយ មានតែថាមពលខ្លាំងជាងមុន។

ទន្ទឹមគ្នានោះផងដែរ ក្នុងសំណេរនោះ លោកបានបញ្ជាក់ច្បាស់ៗថា “បក្សចលនាឆ្ពោះទៅមុខ នឹងនៅតែស្ថិតក្នុងក្រុមប្រឹក្សាដើម្បីបម្រើដល់ប្រជាជនដែលជាម្ចាស់ឆ្នោតយ៉ាងពេញទំហឹង ទោះគេជ្រើសរើស ឬមិនជ្រើសរើសខ្ញុំក្នុងមុខតំណែងណាមួយក៏ដោយ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅលើបណ្តាញសង្គម Instagram និង Twitter (X) លោក ភីថា បានបង្ហោះវីដេអូឃ្លិបរបស់គណបក្សលោកដែលមានខ្លឹមសារអំពីការបិទកុងតាក់ព្រឹទ្ធសភា។ ដោយនៅក្នុងឃ្លិបលោកមានការពន្យល់ថា អ្វីទៅជាកុងតាក់បិទភ្លើងពិតប្រាកដ?

មេបក្សចលនាឆ្ពោះទៅមុខរូបនេះ​ បង្ហោះសារអមជាមួយឃ្លិបបញ្ជាក់ច្បាស់ៗថា មិនត្រូវដាក់សម្ពាធលើគណបក្សនយោបាយទេ។ មិនចាំបាច់ដាក់សម្ពាធសមាជិកព្រឹទ្ធសភាឲ្យបោះឆ្នោតគាំទ្រនាយករដ្ឋមន្ត្រីណាមួយឡើយ។ អ្នកមិនចាំបាច់ជ្រើសរើសថាតើត្រូវយល់ព្រមឆ្លងដើម្បីបង្កើតរដ្ឋាភិបាល ឬត្រូវរង់ចាំ ១០ ខែដើម្បីឲ្យសមាជិកព្រឹទ្ធសភាបាត់បង់អំណាច ក្នុងការជ្រើសរើសនាយករដ្ឋមន្ត្រីនោះទេ ព្រោះការលុបចោលមាត្រា ២៧២ ឬច្បាប់កាត់អំណាច សមាជិកព្រឹទ្ធសភាក្នុងការបោះឆ្នោតជ្រើសរើសនាយករដ្ឋមន្ត្រី សុទ្ធតែអាចធ្វើបានភ្លាមៗ។ នេះគឺជាដំណោះស្រាយដ៏ល្អបំផុត សម្រាប់ប្រទេសថៃ។ សូមជួយលុបចោលមាត្រា ២៧២ ដើម្បីបិទការប្តូរសមាជិកព្រឹទ្ធសភា ដូច្នេះបក្សចលនាឆ្ពោះទៅមុខនឹងបង្កើតរដ្ឋាភិបាលប្រជាធិបតេយ្យ ហើយដោះស្រាយបញ្ហាជូនប្រជាពលរដ្ឋបានហើយ ។

សូមបញ្ចាក់ដែរថា បន្ទាប់ពីភឿថៃប្រកាសបំបែកខ្លួនហើយរំសាយគណបក្សចម្រុះទាំង៨និងចរចាបង្កើតរដ្ឋាភិបាល ជាមួយគណបក្សដទៃកាលពីរសៀលថ្ងៃទី០២ ខែកក្កដា សមាជិកសភារបស់បក្សចលនាឆ្ពោះទៅមុខរបស់ លោកភីថា៤រូប បានចេញមុខសម្ដែងការខកចិត្ត និងឈឺចាប់ខ្លាំងយ៉ាងខ្លាំង៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ក្រោយភឿថៃប្រកាសបំបែកខ្លួន សមាជិកបក្សលោកភីថា ៤ រូប សម្ដែងការខកចិត្ត និងឈឺចាប់ខ្លាំង