អត្រាកំណើតនៅចិនធ្លាក់ចុះដល់កម្រិតទាបបំផុតក្នុងឆ្នាំ ២០២២

កាលពីថ្ងៃអង្គារ ទី១៥ ខែសីហា កាសែត National Business Daily បាននិយាយថា អត្រាកំណើតប្រទេសចិនធ្លាក់ចុះដល់កម្រិតទាបបំផុតត្រឹម ១,០៩  ក្នុងឆ្នាំ ២០២២ ។

តួលេខពីមជ្ឈមណ្ឌលស្រាវជ្រាវចំនួនប្រជាជន និងការអភិវឌ្ឍន៍របស់ប្រទេសចិនបានដាក់ថា នេះជាកម្រិតមានកូនទាបបំផុតក្នុងចំណោមប្រទេសដែលមានប្រជាជនច្រើនជាង ១០០ លាននាក់ ។

ជាក់ស្ដែង អត្រានៃការមានកូនរបស់ប្រទេសចិនគឺទាបប្រហាក់ប្រហែលប្រទេសកូរ៉េខាងត្បូង តៃវ៉ាន់ ហុងកុង និងសិង្ហបុរីដែរ ។

យ៉ាងណាមិញ ទីក្រុងប៉េកាំងកំពុងព្យាយាមលើកកម្ពស់អត្រាកំណើត រួមទាំងការលើកទឹកចិត្តផ្នែកហិរញ្ញវត្ថុ និងការកែលម្អកន្លែងថែទាំកុមារ ដោយសារតែការព្រួយបារម្ភអំពីចំនួនប្រជាជនធ្លាក់ចុះលើកដំបូងក្នុងរយៈពេល ៦០ ឆ្នាំ និងចំនួនប្រជាជនវ័យចំណាស់កើនឡើងយ៉ាងឆាប់រហ័ស។

លើសពីនេះ ប្រទេសចិនអះអាងថា ខ្លួននឹងផ្តោតលើការអប់រំ វិទ្យាសាស្ត្រ និងបច្ចេកវិទ្យា ដើម្បីកែលម្អគុណភាពប្រជាជន និងខិតខំរក្សាអត្រាកំណើតដើម្បីទ្រទ្រង់ដល់កំណើនសេដ្ឋកិច្ចនាពេលអនាគតទៀតផង ៕

ប្រែសម្រួល៖ វារី

ប្រភព៖ CNA

ចុចអាន៖ ប្រទេសជប៉ុននឹងរលាយបាត់សូន្យ បើប្រជាជនមិនប្រឹងយកកូនច្រើន!