រដ្ឋកាលីហ្វ័រញ៉ា ចេញការព្រមានដ៏កម្រអំពីព្យុះសង្ឃរា ដែលមានល្បឿនខ្យល់ ២១៥គីឡូម៉ែត្រក្នុងមួយម៉ោង

ព្យុះសង្ឃរាដែលមានល្បឿន ២១៥គីឡូម៉ែត្រក្នុងមួយម៉ោង កំពុងបក់បោកឆ្ពោះទៅប្រទេសម៉ិកស៊ិក និងភាគនិរតីនៃសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេព្យាករថា កន្លែងដែលព្យុះប្រភេទ៤ឈ្មោះ Hilary នឹងវាយប្រហារមុនគេបង្អស់គឺរដ្ឋ Baja California ក្នុងប្រទេសម៉ិកស៊ិក នៅព្រឹកថ្ងៃសៅរ៍ទី១៩ខែសីហា។

ក្រោយមក វានឹងថយកម្លាំងបន្តិច ហើយបន្តដំណើរទៅភាគខាងត្បូងរដ្ឋកាលីហ្វ័រញ៉ា ណេវ៉ាដា អារីហ្សូណា និងយូថាហ៍។ បន្ទាប់ពីនោះ វានឹងក្លាយជាព្យុះត្រូពិកទី១ ដែលវាយប្រហាររដ្ឋកាលីហ្វ័រញ៉ា ក្នុងរយៈពេលជាង៨០ឆ្នាំ។

ស្របពេលជាមួយគ្នានេះ លោកប្រធានាធិបតី Joe Biden បាននិយាយថា ទីភ្នាក់ងារគ្រប់គ្រងគ្រាអាសន្នសហព័ន្ធ (Fema) មានបុគ្គលិកឈរជើងជាមុន និងដាក់ពង្រាយឧបករណ៍នានា ហើយពួកគេត្រៀមខ្លួនរួចស្រេចអស់ហើយ ដើម្បីឆ្លើយតបតាមតម្រូវការ។

ដោយឡែក សេវាអាកាសធាតុជាតិ (NWS) បានព្រមានពីលទ្ធភាពនៃភ្លៀងធ្លាក់ខ្លាំង ចាប់ពី៧ទៅ១៥សង់ទីម៉ែត្រនៅតំបន់ខ្លះ ដែលជាហេតុអាចបង្កផលប៉ះពាល់ធ្ងន់ធ្ងរនិងកម្រ សម្រាប់ផ្នែកខ្លះនៃភាគខាងត្បូងរដ្ឋកាលីហ្វ័រញ៉ា និង រដ្ឋណេវ៉ាដា។

ចំណែកនៅ San Diego, NWS ក៏បានចេញការព្រមានអំពីជំនន់ទឹកភ្លៀងផងដែរ។ លើសពីនេះ មនុស្សជិត២៦លាននាក់នៅភាគនិរតីសហរដ្ឋអាមេរិក ត្រូវគេព្រមានឲ្យប្រុងប្រយ័ត្នចំពោះគ្រោះទឹកជំនន់៕

ប្រែសម្រួល៖ Vann Vann

ប្រភព៖ BBC

ចុចអាន៖ ព្យុះ Ida សម្លាប់មនុស្ស ៦០នាក់នៅអាមេរិក