រុស្ស៊ី បញ្ចេញមីស៊ីលនុយក្លេអ៊ែរខ្លាំងបំផុតលើលោក បាញ់តែមួយគ្រាប់អាចពន្លិចអង់គ្លេស ចូលសមុទ្របាន

លោក វ្ល៉ាឌីមៀរ ពូទីន បានដាក់ពង្រាយមីស៊ីលនុយក្លេអ៊ែរដ៏មានឥទ្ធិពលបំផុតរបស់ពិភពលោក ឈ្មោះថា Satan-2 ជាលើកដំបូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រព័ន្ធមីស៊ីលអន្តរទ្វីបគ្មានអ្វីបញ្ឈប់បាន មានល្បឿន២៥៥៥៦គីឡូម៉ែត្រក្នុងមួយម៉ោងប្រភេទនេះ ត្រូវបានប្រជាជនរុស្ស៊ីស្គាល់ថាជាមីស៊ីល Sarmat ហើយមានទំហំប៉ុនប៉មកម្ពស់១៤ជាន់។ វាអាចផ្ទុកដោយក្បាលគ្រាប់នុយក្លេអ៊ែរបានច្រើនទៀតផង។

សេចក្តី​ប្រកាស​នេះ គឺ​ចេញ​ពី​លោក Yury Borisov ដែលជាប្រធាន​ទីភ្នាក់ងារ​អវកាស​រុស្ស៊ី។ លោកបានប្រាប់សិស្សនិស្សិត ក្នុងព្រឹត្តិការណ៍អប់រំមួយថា មីស៊ីលយុទ្ធសាស្ត្រ Sarmat ត្រូវបានដាក់ឲ្យបំពេញកាតព្វកិច្ចប្រយុទ្ធហើយ។ ទោះបីជាយ៉ាងណាក៏ដោយ លោក​មិន​បាន​ផ្តល់​ព័ត៌មាន​លម្អិត​បន្ថែម​ទេ។

ដំបូងឡើយ មីស៊ីល​ទម្ងន់​២០៨​តោននេះ ​ត្រូវ​បាន​ប្រកាស​ដាក់ឲ្យ​ធ្វើប្រតិបត្តិការ​នៅ​ចុង​ឆ្នាំ​មុន ប៉ុន្តែ​ត្រូវពន្យារពេល​វិញ ដោយ​អាថ៌កំបាំងជាទីបំផុត។

លើសពីនេះ អ្នក​ឃោសនា​រុស្ស៊ី​ថែមទាំង​អួតទៀត​ថា បាញ់តែមួយគ្រាប់ មីស៊ីលនេះ​អាចពន្លិចប្រទេស​អង់គ្លេស នៅ​ក្រោម​សមុទ្របាន។

ចំណាត់ការនេះកើតឡើង ចំពេលប្រទេសលោកខាងលិចអះអាងថា រុស្ស៊ីកំពុងបរាជ័យក្នុងសង្គ្រាមនៅអ៊ុយក្រែន ខណៈទីក្រុងកៀវ ដណ្តើមបានទឹកដីមកវិញខ្លះ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី ​ធ្វើ​សមយុទ្ធ​បាញ់អាវុធ​នុយក្លេអ៊ែរ​ទ្រង់ទ្រាយ​ធំ ​ព្រមាន​លោក​ខាង​លិច