គ្រាប់បែកចង្កោម ស្ថិតក្នុងជំនួយ​​យោធា​ថ្មី​តម្លៃ ១៧៥ លាន​ដុល្លារ ដែលអាមេរិក នឹងបញ្ជូនទៅឲ្យ អ៊ុយក្រែន

សេតវិមាន​​បញ្ជាក់​ថា គ្រាប់បែកចង្កោម ​នឹង​ត្រូវ​បញ្ជូន​ទៅឲ្យទី​ក្រុងកៀវ ដែល​ជា​ផ្នែក​នៃ​កញ្ចប់​ជំនួយ​យោធា​ថ្មី​របស់អាមេរិកតម្លៃ ១៧៥ លាន​ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ចប់នេះ ក៏រួមបញ្ចូលផងដែរ នូវឧបករណ៍សម្រាប់ប្រព័ន្ធការពារដែនអាកាសអ៊ុយក្រែន និងគ្រាប់កាំភ្លើងធំ HIMARS បន្ថែម, មីស៊ីល TOW, គ្រាប់កាំភ្លើងធំ ១៥៥ មិល្លីម៉ែត្រ ក៏ដូចជាប្រព័ន្ធប្រឆាំងរថពាសដែក Javelin និង AT-4 ផងដែរ ។

យ៉ាងណាក្តី ទាក់ទងសេចក្តីសម្រេចរបស់ទីក្រុងវ៉ាស៊ីនតោន ក្នុងការបញ្ជូនគ្រាប់ផ្លោងដ៏គ្រោះថ្នាក់ទៅកាន់ទីក្រុងកៀវ, អ្នកនាំពាក្យអង្គការសហប្រជាជាតិ លោក Farhan Haq បានប្រាប់សារព័ត៌មាន Sputnik ថា វាគឺជារឿងដ៏គួរឲ្យព្រួយបារម្ភ។

ដោយឡែក អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានព្រមានកាលពីពេលថ្មីៗនេះថា បច្ចុប្បន្នអ៊ុយក្រែនកំពុងក្លាយជាដែនដីដែលមិនអាចរស់នៅបាន ដោយសារតែការផ្គត់ផ្គង់គ្រាប់មានសារធាតុវិទ្យុសកម្ម និងសារធាតុពុលខ្លាំងពីសំណាក់អង់គ្លេស និងអាមេរិក ។

គួរបញ្ជាក់ថា ការសម្រេចចិត្តរបស់សហរដ្ឋអាមេរិក ក្នុងការផ្គត់ផ្គង់អាវុធដល់អ៊ុយក្រែន បានកើតឡើងបន្ទាប់ពីការវាយលុករបស់ទីក្រុងកៀវ កំពុងជាប់គាំងដោយមិនទទួលបានលទ្ធផលជាដុំកំភួនអ្វីសោះ និងមានការខាតបង់ដ៏មហន្តរាយទាំងទាហាន និងគ្រឿងសឹកផងដែរ ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ អាមេរិក បញ្ជាក់ថា ពេលនេះ អ៊ុយក្រែន ​កំពុង​ប្រើ​គ្រាប់បែក​ចង្កោម យ៉ាងមានប្រសិទ្ធភាព