ព័ត៌មានអន្ដរជាតិ

ពិភពលោកកំពុងសើចចំអកឲ្យ អាមេរិក ដែលលុបចោលអាជ្ញាប័ណ្ណខួងយកប្រេង និងឧស្ម័ន

បានផុស

៣ years មុន

នៅ

ថ្ងៃអាទិត្យ ១០ កញ្ញា ២០២៣

ដោយ

អភិបាលរដ្ឋអាឡាស្កា លោក Mike Dunleavy បានប្រកាសថា ការសម្រេចចិត្តរបស់រដ្ឋាភិបាលអាមេរិកក្នុងការលុបចោលអាជ្ញាប័ណ្ណខួងយកប្រេង, ឧស្ម័ន និងហាមឃាត់ការខួងយកប្រេងបន្ថែមទៀត ដូចរំខានសេដ្ឋកិច្ចរបស់ប្រទេស និងធ្វើឲ្យពិភពលោកសើចចំអក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលរបស់លោកប្រធានាធិបតី Joe Biden កាលពីថ្ងៃពុធបានលុបចោលអាជ្ញាប័ណ្ណខួងយកប្រេង និងឧស្ម័នរយៈពេលប្រាំពីរឆ្នាំ ដែលបានផ្តល់ទៅឲ្យអាជ្ញាធរអភិវឌ្ឍន៍ឧស្សាហកម្ម និងនាំចេញអាឡាស្កា (AIDEA) ដោយអតីតប្រធានាធិបតី Donald Trump។

លោក Biden បាននិយាយកាលពីថ្ងៃសៅរ៍ថា វិធានការទាំងពីរនេះ “នឹងជួយការពារទឹកដី សត្វព្រៃនៅតំបន់អាក់ទិក សម្រាប់ជំនាន់ក្រោយៗទៀត។ ជាពិសេសនឹងបន្តចាត់វិធានការយ៉ាងម៉ឺងម៉ាត់ ដើម្បីឆ្លើយតបនឹងភាពបន្ទាន់នៃវិបត្តិអាកាសធាតុផងដែរ”។

ថ្លែងទៅកាន់ Fox News កាលពីថ្ងៃព្រហស្បតិ៍ លោក Dunleavy បាននិយាយថា “នេះពិតជាគ្មានន័យអ្វីឡើយ ពីទស្សនៈណាមួយ លុះត្រាតែគោលដៅរបស់អ្នកគឺជំរុញឲ្យថ្លៃប្រេង និងឧស្ម័នឡើងថ្លៃខ្លាំង ដូច្នេះវាធ្វើឲ្យតម្លៃកកើតឡើងវិញមួយចំនួនមានតម្លៃថោក”។

លោក Dunleavy បានអះអាងទៀតថា រុស្ស៊ី, ចិន, អារ៉ាប៊ីសាអូឌីត និងអ៊ីរ៉ង់ កំពុងសើចចំអក ចំពោះគោលនយោបាយថាមពលរបស់លោក Biden ។

យ៉ាងណាមិញ តម្លៃប្រេងសាំងបានហក់ឡើង ដោយឈានដល់កម្រិតខ្ពស់បំផុតជាមធ្យមត្រឹមតែជាង ៥ ដុល្លារក្នុងមួយការ៉ុងកាលពីខែមិថុនា ពោលគឺកើនឡើងពីប្រហែល ២ដុល្លារនៅពេលប្រធានាធិបតីចូលកាន់តំណែង។ ស្របពេលដែលតម្លៃកាន់តែកើនឡើងនៅពេលដែលលោក Biden បានចុះហត្ថលេខាលើបទបញ្ជាប្រតិបត្តិមួយក្នុងខែមករា ឆ្នាំ ២០២១ ដោយហាមប្រាមអាជ្ញាប័ណ្ណប្រេង និងឧស្ម័នថ្មីនៅលើដីសហព័ន្ធ ហើយបានកើនឡើងនៅពេលដែលជម្លោះនៅក្នុងប្រទេសអ៊ុយក្រែន ធ្វើឲ្យកក្រើកទីផ្សារថាមពលពិភពលោក។

ទោះយ៉ាងណាក៏ដោយ AIDEA ប្រកែកថាលោក Biden មិនមានសិទ្ធិស្របច្បាប់ក្នុងការលុបចោលអាជ្ញាប័ណ្ណខួងយករ៉ែដែលមានស្រាប់ ហើយបានប្រាប់ Fox News ថា ខ្លួនមានបំណងជំទាស់នឹងការសម្រេចចិត្តនៅក្នុងតុលាការ៕