ព័ត៌មានអន្ដរជាតិ

ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣

បានផុស

១ សប្តាហ៍ មុន

នៅ

ថ្ងៃអាទិត្យ ១០ កញ្ញា ២០២៣

ដោយ

លោកយាយពិការភ្នែក Baba Vanga បានទស្សន៍ទាយថា នៅឆ្នាំ ២០២៤ ពិភពលោកនឹងជួបគ្រោះមហន្តរាយជាច្រើនដូចជា ការរញ្ជួយដី, ទឹកជំនន់, ភ្លើងឆេះ, និងវិបត្តិសេដ្ឋកិច្ចជាដើម។

ទោះបីជាហោរារូបនេះបានស្លាប់ជាច្រើនឆ្នាំមកហើយ ប៉ុន្តែការព្យាករណ៍របស់គាត់បានបន្តរហូតដល់ឆ្នាំ ៥០៧៩ ដែលជាឆ្នាំដែលគាត់ជឿថាមនុស្សជាតិនឹងវិនាស ហើយនៅឆ្នាំ ២០២៤ គាត់ក៏បានធ្វើការទស្សន៍ទាយជាច្រើនទៀតអំពីពិភពលោកដែលមានព្រឹត្តិការណ៍ខ្លាំងជាងឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ការអភិវឌ្ឍន៍កុំព្យូទ័រ quantum

លោកយាយជឿជាក់ថានៅឆ្នាំ ២០២៤នឹងមានការរីកចម្រើនគួរឲ្យកត់សម្គាល់ ក្នុងការអភិវឌ្ឍន៍កុំព្យូទ័រ quantum។ កុំព្យូទ័រទាំងនេះនឹងអាចធ្វើការគណនាស្មុគស្មាញ និងវិភាគទិន្នន័យក្នុងល្បឿនដែលមិនធ្លាប់មានពីមុនមក។ វាក៏ត្រូវបានគេរំពឹងថា នឹងមានឥទ្ធិពលយ៉ាងខ្លាំងទៅលើឧស្សាហកម្មដូចជាហិរញ្ញវត្ថុ ការថែទាំសុខភាព និងសន្តិសុខតាមអ៊ីនធឺណិត។

២ វិបត្តិសេដ្ឋកិច្ច

គាត់ជឿថា នឹងមានវិបត្តិសេដ្ឋកិច្ចធំ ហើយថែមទាំងបានព្យាករណ៍ថា វាប៉ះពាល់ដល់សេដ្ឋកិច្ចពិភពលោកនៅឆ្នាំ ២០២៤។ វិបត្តិនេះនឹងបណ្តាលមកពីកត្តាជាច្រើន នេះរួមបញ្ចូលទាំងការកើនឡើងនៃកម្រិតបំណុល ភាពតានតឹងភូមិសាស្ត្រនយោបាយ និងការផ្លាស់ប្តូរអំណាចសេដ្ឋកិច្ចពីខាងលិចទៅខាងកើត។

៣ លោក Donald Trump មានជំងឺអាថ៌កំបាំង

គាត់ជឿជាក់ថានៅឆ្នាំ ២០២៤ អតីតប្រធានាធិបតី Donald Trump ដែលជាមេដឹកនាំអាមេរិក អាចនឹងកើតជំងឺអាថ៌កំបាំង ធ្វើឲ្យគាត់បាត់បង់ការស្តាប់ និងរងរបួសខួរក្បាល។

៤ រកវិធីព្យាបាលជំងឺមហារីក

ឆ្នាំ ២០២៤ នឹងក្លាយជាឆ្នាំនៃរបកគំហើញដ៏សំខាន់នៅក្នុងវិស័យវេជ្ជសាស្រ្តនៃពិភពលោក ការព្យាបាល និងវិធីព្យាបាលថ្មីៗ វានឹងត្រូវបង្កើតឡើងសម្រាប់ជំងឺដែលធ្លាប់គិតថាជាជំងឺមិនអាចព្យាបាលបាន ដើម្បីឲ្យពួកគេជាសះស្បើយ។លោកយាយ Baba Vanga បានព្យាករណ៍ពីរបកគំហើញដ៏សំខាន់មួយក្នុងការព្យាបាលជំងឺអាល់ហ្សៃមឺរ(ជំងឺភ្លេចភ្លាំង) នេះនឹងបង្កើតក្តីសង្ឃឹមសម្រាប់មនុស្សរាប់លាននាក់។ ដោយរងនូវការបាត់បង់ការចងចាំនេះ គាត់ក៏បានទស្សន៍ទាយបែបនោះថា “អ្នកវិទ្យាសាស្ត្រនឹងរកឃើញវិធីព្យាបាលមហារីកដោយអព្ភូតហេតុ។ ដើម្បីសង្គ្រោះមនុស្សជាតិពីជំងឺដ៏កាចសាហាវនេះនៅឆ្នាំ២០២៤”។

៥ គ្រោះធម្មជាតិ

បន្ថែមពីលើការព្យាករណ៍វិជ្ជមាន គាត់ក៏បានព្យាករណ៍ថាឆ្នាំ ២០២៤ នឹងនាំមកនូវគ្រោះមហន្តរាយធម្មជាតិជាបន្តបន្ទាប់។ ដែលភាគច្រើនទាក់ទងនឹងការឡើងកំដៅផែនដី ហើយគ្រោះមហន្តរាយដូចជាទឹកជំនន់ ការរញ្ជួយដី និងអគ្គីភ័យនឹងកើនឡើងនៅឆ្នាំ ២០២៤ ដែលនឹងបណ្ដាលឲ្យបាត់បង់ជីវិត និងទ្រព្យសម្បត្តិយ៉ាងច្រើន។ ក្នុងនោះថែមទៀត គាត់ក៏បានគូសបញ្ជាក់ពីការរញ្ជួយដីដ៏ធំ ក្នុងតំបន់ប៉ាស៊ីហ្វិកផងដែរ។

៦ យុគសម័យប្រេងជិតដល់ទីបញ្ចប់ហើយ

លោកយាយបានទាយថា “សម័យប្រេងនឹងបញ្ចប់នៅប៉ុន្មានឆ្នាំខាងមុខ” ហើយថា ស្តេចនៃថាមពល វានឹងកើតឡើងក្នុងពេលឆាប់ៗនេះ។ ស្របពេលដែលអ្នកជំនាញខ្លះគិត វាអាចជាប្រភពថាមពលជំនួស៕