ក្រុមហ៊ុន៣ធំៗនៅ ថៃ រកចំណូលបានច្រើនជាងគេក្នុងប្រទេស

បច្ចុប្បន្ន​មាន​ក្រុមហ៊ុន​ថៃ​ធំៗ​ជា​ច្រើន ដែល​មាន​អាជីវកម្ម​ជា​យូរ​មក​ហើយ។ ក្នុងនោះមាន​ទាំងភាព​ល្បីល្បាញក្នុងប្រទេស​និង​ល្បី​ជា​អន្តរជាតិ ដោយទទួលបានលទ្ធផលប្រតិបត្តិការដ៏ល្អឥតខ្ចោះ ជាបន្តបន្ទាប់អស់រយៈពេលជាយូរ រួមទាំងអាចរកប្រាក់ចំណេញបានយ៉ាងច្រើន មិនថាប៉ុន្មានសម័យកាលណាឡើយ។

នេះគឺ​ជា​បញ្ជី​ក្រុមហ៊ុន៣កន្លែងក្នុងប្រទេស​ថៃ​ ដែល​ទទួល​បាន​ប្រាក់​ចំណេញ​ច្រើន​ជាង​គេបង្អស់កាលពីឆ្នាំ២០២០។

១ ក្រុមហ៊ុន PTT Public Company Limited

វាជាក្រុមហ៊ុនប្រេង និងឧស្ម័ន ដែលធ្វើអាជីវកម្មរុករក និងផលិតការចម្រាញ់, លក់ផលិតផលប្រេង។
នៅក្នុងឆ្នាំ ២០២០ ក្រុមហ៊ុន PTT បានរាយការណ៍ពីប្រាក់ចំណេញសុទ្ធប្រមាណ ៥៩,១០០ លានបាត
(ស្មើនឹង​ប្រមាណ ១.៩ពាន់លានដុល្លារអាមេរិក)។

២ ធនាគារ កាស៊ីកន សាធារណៈ លីមីតធីត

ធនាគារ Kasikorn គឺជាធនាគារពាណិជ្ជដ៏ធំបំផុតមួយនៅក្នុងប្រទេសថៃ។ វាផ្តល់ជូននូវផលិតផល និងសេវាកម្មហិរញ្ញវត្ថុយ៉ាងទូលំទូលាយ។ ក្នុងឆ្នាំ២០២០ ធនាគារមានប្រាក់ចំណេញសុទ្ធប្រមាណ ៣៩,៦០០លានបាត
(ស្មើនឹងប្រមាណ ១.៣ ពាន់លានដុល្លារអាមេរិក)។

៣ ក្រុមហ៊ុនស៊ីម៉ងត៍ SCG

Siam Cement (SCG) គឺជាក្រុមហ៊ុនឧស្សាហកម្មចម្រុះ ចូលរួមក្នុងអាជីវកម្មផលិត និងចែកចាយស៊ីម៉ងត៍ សម្ភារ​សំណង់ សារធាតុគីមី និងប្រភេទផ្សេងៗនៃផលិតផលវេចខ្ចប់។ ក្នុង​ឆ្នាំ ២០២០ ក្រុមហ៊ុនបានរាយការណ៍ពីប្រាក់ចំណេញសុទ្ធប្រមាណ ៣២,៦០០លានបាត​ (ស្មើនឹងប្រមាណ ១.១ ពាន់លានដុល្លារអាមេរិក)៕

ប្រែសម្រួល៖ សាង ស្រីល័ក្ខ

ចុចអាន៖៥ ប្រទេសក្នុងអាស៊ាន ទទួលបានប្រាក់ឈ្នួលខ្ពស់បំផុត