ព័ត៌មានអន្ដរជាតិ
នាយករដ្ឋមន្ត្រី ថៃ ចុះទៅទទួលភ្ញៀវទេសចរ ចិន ដោយផ្ទាល់នៅព្រលានយន្តហោះសុវណ្ណភូមិ
នាយករដ្ឋមន្ត្រីថៃលោក សេតថា ថាវីស៊ីន និងតំណាងវិស័យទេសចរណ៍ រួមជាមួយក្រសួងទេសចរណ៍ និងកីឡា នៅថ្ងៃចន្ទនេះបានអញ្ជើញចុះដោយផ្ទាល់ទៅកាន់ព្រលានយន្តហោះសុវណ្ណភូមិដើម្បីស្វាគមន៍ភ្ញៀវទេសចរចិនក្រោមកម្មវិធីលើកលែងទិដ្ឋាការចំនួន ៣៤១ ក្រុមដំបូងចូលមកកាន់ប្រទេស ។
នៅឯអាកាសយានដ្ឋានសុវណ្ណភូមិ ភ្ញៀវទេសចរណ៍ចិនដែលបានមកដល់ប្រទេសថៃ ម្នាក់ៗត្រូវបានប្រគល់ជូននូវវត្ថុអនុស្សាវរីយ៍ ក៏ដូចជាកម្រងផ្កា ដោយលោកនាយករដ្ឋមន្ត្រី និងបុគ្គលិករបស់គាត់ផ្ទាល់តែម្ដង ។
ពាក់ព័ន្ធនឹងបញ្ហានេះដែរ លោក សេតថា បានប្រាប់ប្រព័ន្ធផ្សព្វផ្សាយថៃថា “អ្វីដែលសំខាន់បំផុតសម្រាប់ភ្ញៀវទេសចរបរទេស គឺសុវត្ថិភាពរបស់ពួកគេ រាប់ចាប់ពីពេលដែលពួកគេជាន់លើដីថៃរហូតដល់ពួកគេចាកចេញពីប្រទេសយើងត្រលប់ទៅផ្ទះវិញ” ។
លោកនាយករដ្ឋមន្ត្រីបញ្ជាក់ទៀតថា លោកមិនចង់ឲ្យភ្ញៀវទេសចរគ្រាន់តែទៅលេងតំបន់ទេសចរណ៍សំខាន់ៗទាំង ៤ នោះទេ ប៉ុន្តែទីក្រុងបន្ទាប់បន្សំក៏យើងចង់ឲ្យពួកគេទៅស្នាក់នៅក្នុងប្រទេសថៃឲ្យបានយូរផងដែរ ជាពិសេសលោកបានកត់សម្គាល់ឃើញថា អាជីវកម្មទាក់ទងនឹងវិស័យទេសចរណ៍ថៃដូចជា ការកក់សណ្ឋាគារបានកើនឡើងយ៉ាងខ្លាំង មុនពេលការចាប់ផ្តើមកម្មវិធីលើកលែងទិដ្ឋាការនេះ ។
គួរបញ្ជាក់ថា ពិធីស្វាគមន៍ស្រដៀងគ្នានេះសម្រាប់ភ្ញៀវទេសចរមកពីប្រទេសចិន និងកាហ្សាក់ស្ថាន ក៏ត្រូវបានធ្វើឡើងនៅព្រលានយន្តហោះ Don Muang, Phuket និង Chiang Mai ផងដែរ ខណៈកម្មវិធីលើកលែងទិដ្ឋាការលើភ្ញៀវទេសចរទាំងពីរនឹងបន្តរហូតដល់ថ្ងៃទី២៩ ខែកុម្ភៈ ឆ្នាំ ២០២៤ ៕
ប្រែសម្រួលដោយ ៖ ជីវ័ន្ត
ប្រភព ៖ Thai PBS
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១២ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ