ការលក់សន្លឹកឆ្នោតនៅចិនកើនឡើងរាប់ពាន់លាន ចំពេលយុវជនអត់ការងារធ្វើគរជើងគ្នា

ការលក់សន្លឹករឆ្នោតរបស់ប្រទេសចិននៅក្នុងខែសីហាបានកើនឡើងដល់កម្រិតខ្ពស់បំផុតក្នុងឆ្នាំនេះ ចំពេលមានចំនួនអ្នកអត់ការងារធ្វើបានកើនឡើងខ្លាំងទន្ទឹមគ្នា។

ទីភ្នាក់ងារព័ត៌មានចិន ស៊ិនហួ បានរាយការណ៍នៅថ្ងៃសៅរ៍ ទី៣០ ខែកញ្ញា ដោយដកស្រង់ទិន្នន័យពីក្រសួងហិរញ្ញវត្ថុថា ការលក់សន្លឹកឆ្នោតទូទាំងប្រទេសបានកើនឡើង ៥៣.៦ភាគរយនៅក្នុងខែសីហាធៀបនឹងឆ្នាំមុន ដែលគិតជាប្រាក់មានចំនួន ៥២.៩៦ពាន់លានយ័ន (ប្រហែល ៧.៣ពាន់លានដុល្លារ) ។

ដោយឡែកទិន្នន័យបានបង្ហាញថា ចាប់ពីខែមករា ដល់ខែសីហា សន្លឹកឆ្នោតតម្លៃសរុបចំនួន ៣៧៥.៧៦ពាន់លានយ័ន ត្រូវបានលក់នៅទូទាំងប្រទេស ដែលវាបានកើនឡើង ៥១.៦ភាគរយធៀបនឹងឆ្នាំមុន។ ការកើនឡើងនៃការលក់សំបុត្រឆ្នោតកើតឡើង ចំពេលទិន្នន័យសេដ្ឋកិច្ចធ្លាក់ចុះ ជាមួយនឹងមានការកើនឡើងនៃតម្លៃផ្ទះ និងអត្រាអត់ការងាររបស់យុវជនឈានដល់កម្រិតខ្ពស់បំផុតគឺ ២១.៣ភាគរយ នៅក្នុងខែមិថុនា ឆ្នាំ២០២៣។

អ្នកអត្ថាធិប្បាយម្នាក់នៅលើបណ្ដាញ Weibo បានសរសេរថា “សេដ្ឋកិច្ចកាន់តែអាក្រក់ សន្លឹកឆ្នោតកាន់តែច្រើននឹងត្រូវលក់ចេញ” ៕

ប្រែសម្រួល៖ សន្យា

ប្រភព៖ Asiaone

ចុចអាន៖ ប្រធានក្រុមហ៊ុន Evergrande ត្រូវបានស៊ើបអង្កេតលើបទសង្ស័យ​ផ្ទេរទ្រព្យសម្បត្តិ