ជម្លោះផ្ទៃក្នុងបក្សសាធារណរដ្ឋ៖ តំណាងរាស្រ្តម្នាក់ ចាប់ផ្ដើមនីតិវិធីជាប្រវត្តិសាស្រ្ត ទម្លាក់ ប្រធានរដ្ឋសភាអាមេរិក

ប្រធានរដ្ឋសភាអាមេរិកលោក Kevin McCarthy កំពុងតស៊ូដើម្បីជីវិតនយោបាយរបស់គាត់ បន្ទាប់ពីអ្នកស្តាំនិយម ដាក់ញត្តិដ៏កម្រមួយ ដើម្បីបណ្តេញគាត់ចេញពីតំណែង។

ឆ្លើយតបទៅនឹងទង្វើរបស់តំណាងរាស្រ្តប្រចាំរដ្ឋ Florida លោក Matt Gaetz, លោក McCarthy បានបង្ហោះសារនៅលើប្រព័ន្ធផ្សព្វផ្សាយសង្គមថា “ធ្វើវាទៅ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាព​តានតឹង​រវាង​អ្នកសាធារណរដ្ឋ​ទាំងពីរ ​បាន​ផ្ទុះឡើង​កាលពី​ចុង​សប្តាហ៍ ​បន្ទាប់ពី​ប្រធានសភា ​អនុម័ត​ច្បាប់​មួយ​ដោយ​មាន​ជំនួយ​ពី​គណបក្ស​ប្រជាធិបតេយ្យ​ ដើម្បី​ផ្តល់​មូលនិធិ​ដល់​ភ្នាក់ងារ​រដ្ឋាភិបាល។

ក្នុងសុន្ទរកថា កាលពីថ្ងៃចន្ទទី៣ខែតុលា លោក Gaetz បានចោទប្រកាន់លោក McCarthy ថាបានជួយសម្រួលឲ្យគណបក្សប្រជាធិបតេយ្យបញ្ចៀសការបិទរដ្ឋាភិបាលសហព័ន្ធ និងធ្វើកិច្ចព្រមព្រៀងសម្ងាត់ជាមួយសេតវិមាន ដើម្បីបញ្ចូលមូលនិធិអ៊ុយក្រែនថ្មី ទៅក្នុងច្បាប់ដាច់ដោយឡែក។

គួរបញ្ជាក់ថា កិច្ចព្រមព្រៀងកាលពីថ្ងៃសៅរ៍ទី៣០ខែតុលា ដែលរារាំងការបិទរដ្ឋាភិបាល គឺមិនបានរាប់បញ្ចូលថវិកាចំនួន៦ពាន់លានដុល្លារសម្រាប់អ៊ុយក្រែនទេ ដោយសារតែលោក Gaetz និងអ្នកអភិរក្សនិយមផ្សេងទៀត ស្តីបន្ទោសថា សហរដ្ឋអាមេរិកបានចំណាយច្រើនពេកហើយ លើសង្រ្គាមរបស់ប្រទេសនេះជាមួយរុស្ស៊ី៕

ប្រែសម្រួល៖ Vann Vann

ប្រភព៖ BBC

ចុចអាន៖ ប្រធានសភា អាមេរិក ៖ គួរទុកលុយពង្រឹងសន្តិសុខតាមព្រំដែនវិញ ល្អជាង ផ្ដល់ជំនួយយោធាឲ្យ អ៊ុយក្រែន