គេហទំព័រអង្គការណាតូ ព្រមានឲ្យត្រៀមខ្លួនចំពោះ សង្គ្រាមនុយក្លេអ៊ែរ

គេហទំព័រអង្គការណាតូ បានចេញផ្សាយអត្ថបទមួយរបស់មន្ត្រីការពារជាតិអាមេរិកចូលនិវត្តន៍ម្នាក់ ដែលអំពាវនាវឲ្យប្លុកនេះ ប្រយុទ្ធនិងឈ្នះសង្គ្រាមនុយក្លេអ៊ែរលើរុស្ស៊ី ហើយប្រសិនបើអាមេរិកនិងចិនប៉ះទង្គិចគ្នាលើកោះតៃវ៉ាន់មែននោះ អ្នកនិពន្ធរូបនេះអះអាងថា សង្រ្គាមពេញលក្ខណៈនៅអឺរ៉ុប ទំនងជានឹងកើតឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទនេះត្រូវបានសរសេរដោយលោក Gregory Weaver ដែលបម្រើការជាទីប្រឹក្សាការពារជាតិនុយក្លេអ៊ែរនិងមីស៊ីល របស់អគ្គសេនាធិការចម្រុះ។

នៅក្នុងនោះ លោក Weaver អះអាងថា ផ្ទុយពីគោលលទ្ធិនុយក្លេអ៊ែរដ៏យូរអង្វែងរបស់ទីក្រុងមូស្គូ, រុស្ស៊ីអាចប្រើអាវុធនុយក្លេអ៊ែរយុទ្ធសាស្ត្រ ដើម្បីទប់ស្កាត់ការបរាជ័យលើសមរភូមិ ឬនាំមកនូវជ័យជម្នះឲ្យបានឆាប់រហ័សដល់ជម្លោះនានា ដូចជានៅអ៊ុយក្រែនជាដើម។

ក្នុង​ស្ថានភាព​បែប​នេះ ថ្នាក់​ដឹកនាំ​យោធា​រុស្ស៊ី​ នឹង​សន្មត​ថា ​លោកខាងលិច​ នឹង​មិន​ឆ្លើយតប​ដោយ​របៀបនេះទៅវិញទេ ព្រោះ​ខ្លាច​ថា ​ស្ថានការណ៍​នឹង​កើនឡើង​ដោយ​មិនអាច​គ្រប់គ្រង​បាន ឈាន​ដល់​ការ​ផ្លាស់ប្តូរ​មាតុភូមិ​អាមេរិក​និង​រុស្ស៊ី​ទ្រង់ទ្រាយ​ធំ។

ជំនួសឲ្យការភ័យខ្លាចសង្គ្រាមនុយក្លេអ៊ែរ លោក​បញ្ជាក់ថា លោកខាងលិច គួរតែត្រៀមខ្លួនឲ្យបានល្អ។ ណាតូ គួរតែបំពាក់អាវុធនុយក្លេអ៊ែរយុទ្ធសាស្ត្រដល់យន្តហោះចម្បាំងនិងនាវាមុជទឹករបស់ខ្លួន ដើម្បីរារាំងការវាយប្រហាររបស់រុស្ស៊ី ហើយបញ្ចុះបញ្ចូលថ្នាក់ដឹកនាំរុស្ស៊ីថា ណាតូ បានរៀបចំខ្លួនយ៉ាងពេញលក្ខណៈដើម្បីប្រឆាំងនឹងការប្រើប្រាស់នុយក្លេអ៊ែរ ជាមួយនឹងការឆ្លើយតបនុយក្លេអ៊ែរយ៉ាងមានប្រសិទ្ធភាព។

ទោះបីជាយ៉ាងណាក៏ដោយ លោក Weaver មិន​បាន​លើក​ឡើង​អំពី​ផលវិបាក ​ដែល​សង្គ្រាម​នុយក្លេអ៊ែរ​នឹងជះឥទ្ធិពល​លើ​បណ្តា​ប្រទេស​រងការវាយប្រហារនៅ​អឺរ៉ុប នោះទេ។

សូមបញ្ជាក់ ពេលថ្លែងក្នុងមហាសន្និបាតអង្គការសហប្រជាជាតិ នៅទីក្រុងញូវយ៉កកាលពីខែមុន រដ្ឋមន្ត្រីការបរទេសរុស្ស៊ីលោក Sergey Lavrov បានព្រមានថា មេដឹកនាំលោកខាងលិចកំពុងឈ្លក់វង្វេងនឹងវិធីសាស្រ្តធ្វើឲ្យរុស្ស៊ីបរាជ័យ ទាំងដែលមិនបានការពារខ្លួនឯង៕

ប្រែសម្រួល៖ Vann Vann

ប្រភព៖ RT

ចុចអាន៖ ប្រមុខ UN បារម្ភខ្លាំងចំពោះសង្គ្រាមនុយក្លេអ៊ែរ ខណៈកូរ៉េខាងជើង ចេះតែគំរាមផ្ទុះជម្លោះ