ព័ត៌មានអន្ដរជាតិ
ចូ បៃដិន៖ យើងមិនឲ្យក្រុមហាម៉ាស់ និងលោកពូទីន ឈ្នះទេ
ប្រធានាធិបតីអាមេរិកលោក ចូ បៃដិន បាននិយាយទៅកាន់ជនរួមជាតិអាមេរិកនៅយប់ថ្ងៃព្រហស្បតិ៍ទី១៩ខែតុលា (ត្រូវនឹងថ្ងៃសុក្រទី២០ខែតុលា) ចេញពីការិយាល័យ Oval ថា “យើងមិនអាច និងមិនអនុញ្ញាតឲ្យក្រុមភេរវករដូចជា ហាម៉ាស់ និងជនផ្តាច់ការដូចជាលោកពូទីន ឈ្នះនោះទេ”។
លោក បៃដិន ព្រមានថា ប្រសិនបើតួអង្គអាក្រក់ដូចជាលោក ពូទីន មិនត្រូវបានត្រួតពិនិត្យ ទេនោះ អ្នកឈ្លានពាននៅជុំវិញពិភពលោក នឹងមានភាពក្លាហានដើម្បីព្យាយាមធ្វើដូចគ្នា។
លោកបន្តថា “ហានិភ័យនៃជម្លោះនិងភាពវឹកវរ អាចរីករាលដាលនៅក្នុងផ្នែកផ្សេងទៀតនៃពិភពលោក នៅឥណ្ឌូប៉ាស៊ីហ្វិក នៅមជ្ឈិមបូព៌ា ជាពិសេសគឺនៅមជ្ឈិមបូព៌ាតែម្តង”។
ស្របពេលជាមួយគ្នានោះ លោកប្រធានាធិបតី បានអង្វរករឲ្យសភា អនុម័តនូវអ្វីដែលគេរំពឹងថា នឹងជាមូលនិធិថ្មីតម្លៃជាង១០០ពាន់លានដុល្លារ សម្រាប់អ៊ីស្រាអែលនិងអ៊ុយក្រែន។
លើសពីនេះ លោក បៃដិន បានថ្កោលទោសសកម្មភាពរបស់ក្រុមហាម៉ាស់ និងលោក ពូទីន ដោយនិយាយថា ការវាយប្រហារលើអ៊ីស្រាអែល និងការលុកលុយអ៊ុយក្រែន គឺមានគោលបំណងតែមួយ។
លោក បៃដិន និយាយថា “ក្រុមហាម៉ាស់និងលោកពូទីន គឺតំណាងឲ្យការគំរាមកំហែងផ្សេងៗគ្នា ប៉ុន្តែពួកគេមានគោលបំណងតែមួយគឺ ពួកគេទាំងពីរ ចង់បំផ្លាញលទ្ធិប្រជាធិបតេយ្យអ្នកជិតខាងទាំងស្រុង។
លោក បៃដិន បន្តថា “ខ្ញុំដឹង ជម្លោះទាំងនេះអាចហាក់ដូចជានៅឆ្ងាយ ហើយវាជារឿងធម្មតាក្នុងការសួរថាតើហេតុអ្វីបានជារឿងនេះកើតឡើងចំពោះអាមេរិក។ ដូច្នេះខ្ញុំសូមចែករំលែកជាមួយអ្នក អំពីមូលហេតុដែលអ៊ីស្រាអែលនិងអ៊ុយក្រែនទទួលបានជោគជ័យ គឺមានសារសំខាន់សម្រាប់សន្តិសុខជាតិរបស់អាមេរិក”៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ប្រធានាធិបតីអាមេរិក ចោទថា លោក ពូទីន និងក្រុមហាម៉ាស់ មានគោលបំណងតែមួយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង