បច្ចេកវិទ្យាប្លែកៗទាំង ៦ ក្នុងប្រទេសចិន ដែលមនុស្សកម្របានឃើញ

បច្ចេកវិទ្យាកាន់តែទំនើប មនុស្សកាន់តែមានគំនិតច្នៃប្រឌិតខ្លាំងលើសម្ភារប្រើប្រាស់ប្រចាំថ្ងៃឲ្យកាន់តែទំនើបជាងមុនបន្ថែមទៀត។ ជាក់ស្ដែងនាបច្ចុប្បន្ននេះ ចិនបានក្លាយជាប្រទេសដែលមានបច្ចេកវិទ្យាទំនើបៗជាច្រើន ហើយសុទ្ធសឹងតែជាវត្ថុដែលមានការការច្នៃប្រឌិត​មិនធ្លាប់ឃើញពីមុនមក។

ខាងក្រោមនេះ​ គឺជាបច្ចេកវិទ្យាទំនើបបំផុតរបស់ប្រទេសចិនទាំង៦ សឹងតែមិនធ្លាប់ឃើញឡើយ។

១ រោងចក្រថាមពលកញ្ចក់ទំនើប ​(Super mirror power plant)

រោងចក្រមួយនេះអាចផលិតអគ្គិសនីពីកម្ដៅ និងមានប្រសិទ្ធិភាពរហូតដល់ 100MW មេហ្គាវ៉ាត់។ ប្រតិបត្តិការរបស់រោងចក្រ Super mirror power ​វា​នឹង​មាន​សសរ​ខ្ពស់​មួយ​នៅ​ចំ​កណ្តាល​ដើម្បី​ទទួល​ថាមពល​នៃ​ពន្លឺ​ព្រះ​អាទិត្យ​ដែល​យើង​ជួប​ជា​រៀង​រាល់​ថ្ងៃ។​ ជាពិសេស ​មានបង្អួចប្រហែល ១ម៉ឺន ដើម្បីចាប់កាំរស្មីព្រះអាទិត្យសម្រាប់តម្រូវការថាមពលកម្ដៅ ​ទៅជំនួសថាមពលអគ្គិសនីជំនួសវិញ។ ការច្នៃប្រឌិតកញ្ចក់ទំនើបនេះ គឺងាយស្រួលដល់បរិស្ថាន។

២ ឡានក្រុងឆ្លាតវៃដើរដោយថាមពល 5G (5G powered smart bus)

ឡានក្រុងប្រើ 5G មិនត្រូវការអ្នកបើកបរទេ! រថយន្តនឹងមានកាមេរ៉ាជាង២០ រួមគ្នា អាចភ្ជាប់ទៅប្រព័ន្ធនានាទូទាំងទីក្រុង មិន​ថា​ជា​កន្លែង​ចត​ឬ​បត់​ទេ។​ ឡានក្រុង​មាន​ ៨ កៅអី​ ទោះ​បី​វា​មិន​មាន​ដៃ​ចង្កូត​ក៏​ដោយ​ ឡានក្រុង​អាចផ្លាស់ប្តូរផ្លូវ ក្នុងពេលជាមួយគ្នាចៀសវាងឧបសគ្គ​ រួមទាំងការជែងរថយន្តផ្សេងទៀត​ និងការឈប់ត្រឹមត្រូវនៅស្ថានីយ៍រថយន្តក្រុង។ 5G powered smart bus គឺជាចំណុចចាប់ផ្តើមសម្រាប់ការអភិវឌ្ឍន៍ការដឹកជញ្ជូនរបស់ប្រទេសចិននាពេលអនាគត ​ដែលនឹងអាចពង្រីកបន្ថែមទៀតនៅថ្ងៃដែល 5G ត្រៀមខ្លួនពេញលេញ។

៣ ការដឹកជញ្ជូនមនុស្សយន្ត (Robotic Delivery)

ការបង្កើតថ្មីដើម្បីចែកចាយអាហារអំឡុងពេល COVID និងកាត់បន្ថយហានិភ័យនៃការឆ្លងផងដែរ ដូចជាក្រុមហ៊ុន Alibaba ប្រើប្រាស់មនុស្សយន្តដើម្បីចែកចាយផលិតផលសម្រាប់អតិថិជន ហើយការឆ្លើយតបក៏ល្អដូចគ្នា។ ក្រោយមកក្រុមហ៊ុន Alibaba គ្រោងនឹងផលិតរថយន្តដឹកទំនិញគ្មានអ្នកបើកបរដែលមានឈ្មោះថា G-PLUS ។ជាមួយនឹងភាពវៃឆ្លាតដូចមនុស្ស ហើយល្បឿននៃការឆ្លើយតបបន្ទាន់គឺលឿនជាងមនុស្ស៧ដង ដូច្នេះមនុស្សយន្តអាចដោះស្រាយបាន។

៤ អាង​ចិញ្ចឹមត្រីសមុទ្រធំជាងគេទាំង ៥ នៅលើពិភពលោក

ការរីកចម្រើនរបស់ប្រទេសចិន អភិវឌ្ឍអ្វីៗគ្រប់យ៉ាង។ ការនេសាទក៏ដូចគ្នាដែរ។ អាងចិញ្ចឹមត្រីដ៏ធំនេះមានកម្ពស់ ៣៨ម៉ែត្រ និងរង្វង់ប្រវែង១៨០ ម៉ែត្រ ហើយវាអាចលិចក្នុងជម្រៅពី ៤ ទៅ ៥០ ម៉ែត្រ ហើយសមត្ថភាពទឹករបស់វាគឺប្រហែល ៥០,០០០ ម៉ែត្រគូប។

៥ វេជ្ជបណ្ឌិត A.I

ព្រោះចិនជាប្រទេសដែលមានប្រជាជនច្រើន រួម​ទាំង​ចំនួន​មនុស្ស​ចាស់​ក៏​ត្រូវ​ការ​បុគ្គលិក​ពេទ្យ​ច្រើន​ដែរ។ ដូច្នេះជនជាតិចិនបានមកជាមួយ A.I. ដើម្បីអញ្ជើញបុគ្គលិកពេទ្យឲ្យធ្វើការ។ ដោយសារតែមានគម្រោងមួយហៅថា AI-Force ហើយ A.I. នេះអាចធ្វើរោគវិនិច្ឆ័យអ្នកជំងឺដែលមានរោគសញ្ញា​ រហូតដល់ ៣០ ជំងឺ ភាពត្រឹមត្រូវនៃការរកឃើញរហូតដល់ ៩៧% ។

៦ ព្រះអាទិត្យសិប្បនិម្មិត

ការច្នៃប្រឌិតចុងក្រោយនេះគឺ ព្រៃ​ព្រះអាទិត្យ​សិប្បនិម្មិត​របស់​ប្រទេស​ចិន​ឡើង​ដល់​សីតុណ្ហភាព​ជិត ៧០ លាន​អង្សារ ធ្វើវារយៈពេល ១០៥៦ វិនាទី ដែលជាកំណត់ត្រាយូរអង្វែង ល្អបំផុតនៅក្នុងពិភពលោក អត្ថប្រយោជន៍នៃព្រះអាទិត្យសិប្បនិម្មិតនេះគឺថាវាក្លែងធ្វើប្រតិកម្មនុយក្លេអ៊ែរ ផលិត​ឡើង​ដូច​ព្រះអាទិត្យ​ពិត​ប្រាកដ​ដើម្បី​ប្រើ​។ ការអភិវឌ្ឍរ៉េអាក់ទ័រលាយបញ្ចូលគ្នាបង្កើតប្រភពថាមពលថ្មី និងមានប្រសិទ្ធភាពសម្រាប់អនាគតថាមពល៕

ប្រែសម្រួល៖ សាង ស្រីល័ក្ខ

ចុចអាន៖ ដឹង​ទេថា​ ​ប្រទេស​មួយណា​លើ​លោក​ ​ដែលកែសម្ផស្ស​​ច្រើនជាងគេបង្អស់ ហើយមិនគិត​ថ្លៃ