ព័ត៌មានអន្ដរជាតិ
អាល្លឺម៉ង់ឱ្យប្រជាជន និងយោធាត្រៀមខ្លួនជាស្រេចសម្រាប់សង្រ្គាម ក្រោយប្រកាសគាំទ្រអ៊ីស្រាអែល
រដ្ឋមន្ត្រីការពារជាតិលោក Boris Pistorius បានអះអាងថា សង្គ្រាមថ្មីនៅអឺរ៉ុបអាចនឹងកើតឡើងគ្រប់ពេល ដូច្នេះអាល្លឺម៉ង់ត្រូវតែសម្របខ្លួនទៅនឹងការពិតនេះ ស្របពេលដែលរូបលោកអំពាវនាវឱ្យបង្កើនការចំណាយលើយោធាបន្ថែមទៀត។

នៅក្នុងបទសម្ភាសន៍ជាមួយទូរទស្សន៍ ZDF របស់ប្រទេសអាឡឺម៉ង់ កាលពីថ្ងៃអាទិត្យ លោក Pistorius បានទទូចឱ្យជនជាតិអាឡឺម៉ង់រៀនបន្សាំខ្លួនចំពោះហេតុការណ៍ពិភពលោកបច្ចុប្បន្ន ត្បិតសង្គ្រាមនៅអឺរ៉ុបអាចផ្ទុះឡើង និងបង្កការគំរាមកំហែងដល់ប្រទេសរបស់ខ្លួន។ រដ្ឋមន្ត្រីបានអំពាវនាវដល់ជនរួមជាតិរបស់លោកឱ្យត្រៀមខ្លួនសម្រាប់សង្គ្រាម ព្រោះវាជាសមត្ថភាពការពារខ្លួនរបស់ទីក្រុងប៊ែរឡាំង។
មន្ត្រីរូបនេះបានលើកឡើងពីជម្លោះអ៊ុយក្រែន ព្រមទាំងជម្លោះរវាងអ៊ីស្រាអែល និងក្រុមហាម៉ាស់ ដែលថាជម្លោះទាំងនេះគឺជាភស្តុតាងបញ្ជាក់ពីការប្រយុទ្ធគ្នានៅកន្លែងផ្សេងទៀតអាចនឹងកើតឡើងផងដែរ។

កំលុងអត្ថាធិប្បាយលើស្ថានភាពនៅមជ្ឈិមបូព៌ា លោក Pistorius បានបង្ហាញការគាំទ្រចំពោះអ៊ីស្រាអែល ដោយលោកអះអាងថា ទង្វើរបស់អ៊ីស្រាអែលគឺជាសិទ្ធិការពារខ្លួនប៉ុណ្ណោះ។ លោកថា វាជាកាតព្វកិច្ចរបស់ក្រុងប៊ែរឡាំងក្នុងការឈរនៅខាងអ៊ីស្រាអែល។
ដោយឡែក កាលពីសប្តាហ៍មុន រដ្ឋមន្ត្រីថាមពលអ៊ីស្រាអែលលោក Israel Katz បានប្រាប់កាសែត Bild របស់អាល្លឺម៉ង់ថា យុទ្ធនាការរបស់ប្រទេសអ៊ីស្រាអែលនៅតំបន់ហ្គាហ្សា គឺជាផ្នែកមួយនៃ “សង្គ្រាមលោកលើកទី៣ ប្រឆាំងនឹងអ៊ីស្លាមជ្រុលនិយម” ៕
ប្រែសម្រួល៖ សន្យា
ប្រភព៖ RT
ចុចអាន៖ រថក្រោះអ៊ីស្រាអែលបាញ់ប្រហារលើរថយន្តដឹកជនស៊ីវិលនៅតំបន់ហ្គាហ្សា

-
សេចក្ដីជូនដំណឹង១ សប្តាហ៍ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម៥ ម៉ោង ago
ច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានជាតិ១ សប្តាហ៍ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ១ សប្តាហ៍ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
នយោបាយ២ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ១ ថ្ងៃ ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានអន្ដរជាតិ២ ថ្ងៃ ago
ថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ២ ថ្ងៃ ago
ត្រី Oarfish បង្ហាញវត្តមាននៅប្រទេស អូស្រ្តាលី